Ronwen Williams kha Fulo ḽa Powerade

Khamphani ya zwinwiwa ine ya pfi Powerade yo ḓivhadza lwa tshiofisi u shumisana na mukapuṱeni wa tshigwada tsha Bafana Bafana Ronwen Williams.

Williams vho nangiwa sa tshifhaṱuwo tsha Dzangano ḽa Maanḓa Afrika Tshipembe, tshipiḓa tsha fulo ḽa ḽifhasi ḽine ḽa vhidzwa “Power Your Fate.”

Fulo iḽi ḽo thomiwa nga Khamphani ya Coca-Cola phanḓa ha Tshiphuga tsha Ḽifhasi tsha 2026.

U sedza kha u konḓelela, u shuma nga maanḓa na u ḓilugisela nga u fhisea, u ṱuṱuwedza muhumbulo wa uri u bvelela a hu ṋewi muthu, fhedzi hu a shumelwa.

Hezwi zwi tshimbilelana zwavhuḓi na lwendo lwa Ronwen Williams, we a ḓiitela dzina nga u kunda khaedu na u shuma zwavhuḓi nga fhasi ha mutsiko muhulwane.

Williams o ṱanganela na vhatambi vha bola ya milenzhe vha ngaho Lamine Yamal wa Spain na Rodrygo Goes wa Brazil, vhane na vhone vha vha tshipiḓa tsha fulo ḽa ḽifhasi.

“‘Power Your Fate’ ndi nga ha u dzhia tsheo ya u lwela miloro yaṋu na u shuma nga maanḓa naho hu si na muthu ane a khou ni ṱalela.

“Ndi zwone zwo fhaṱaho mushumo wanga wa bola ya milenzhe, nahone ndi a ḓihudza nga u shuma na Powerade u ṱuṱuwedza maAfrika Tshipembe uri vha tende kha khonadzeo dzavho,” Vho-Williams vho ralo.

U pembelela vhufarisani uhu, Powerade yo dovha ya ḓivhadza tshinwiwa tshiswa Afrika Tshipembe, Powerade Outlast.

• VHALANI HAFHU : Masilela o sumbedza u vhilahedziswa nga Mayo kha Chiefs

Hetshi tshinwiwa tsho itelwa u thusa vhatambi uri vha dovhe vha vhe na maanḓa a muvhili na a muhumbulo musi vha tshi khou gudiswa nga nḓila i konḓaho na mitambo ine ya vha na mutsiko muhulwane.