Cardoso u sola vho malugwane kha u huvhala ha Mokoena

Mugudisi wa Mamelodi Sundowns Vho-Miguel Cardoso a vho ngo sedza nga maanḓa kha u kunda thimu ya TS Galaxy nga 3-2.

Nṱhani hazwo, mbilaelo yawe yo vha i kha mutambi wa vhukati Teboho Mokoena, we a xelelwa nga mutambo nga ṅwambo wa u huvhala.

Mokoena o vhaisala musi Sundowns i tshi khou tamba na Polokwane City kha mutambo wa MTN8 mafheloni a vhege o fhiraho.

Gomolemo Kekana o dzhia vhudzulo hawe musi Masandawana a tshi khou ṱangana na Galaxy tshitediamu tsha Mbombela.

Sundowns yo fhedza yo bvisa gundo ḽi mangadzaho, Siphelele Mkhulise o dzhia zwikoro zwivhili ho sala mimunithi.

Fhedzi Miguel Cardoso uri u huvhala ha Mokoena hu fanela u vha ngudo ya ndeme kha bola ya milenzhe ya Afrika Tshipembe.

“Teboho Mokoena o vha a siho kha mutambo namusi. Ndi vhona zwi zwa ndeme uri Afrika Tshipembe ḽi tsireledze vhatambi vhaḽo,” ndi Cardoso.

Mugudisi o dovha a sasaladza tshiwo tshe tsha fhela nga u huvhala ha Mokoena.

Vho amba uri mutambi wa Polokwane City we a ita uri a huvhale ha ngo vhuya a ṋewa garaṱa ya muvhala wa tada.

Cardoso o dovha a amba uri ho vha na zwinwe zwithu zwinzhi zwi si zwavhuḓi kha mutambo wa MTN8.

Nga hetshi tshifhinga, a zwi athu vha khagala uri Mokoena u ḓo vhuyelela lini kha mushumo.

• VHALANI HAFHU: CEO wa Jozi FM vho Mpho Mhlongo vho imiswa mushumoni 

Sundowns i kha di lindela u ṱoliwa ho fhelelaho u itela u vhona uri o huvhala hani.