Masilela o sumbedza u vhilahedziswa nga Mayo kha Chiefs
Mutambi wa kale wa tshigwada tsha kaizer chiefs na Bafana Bafana Tsepo Masilela vhari vha khou mangadzwa nga tsheo ya tshigwada nga u saina Khanyisa Mayo.
Masilela uri Mayo ha ngo mu takadza na luthihi nga ndila ye a tamba ngayo musi a tshi wana tshikhala kha khalanwaho yo fhelaho.
Mayo o vha o hadzimiwa nga Chiefs kha khalanwaha ya 2025/26, fhedzi a kundelwa u di khwathisa kha thimu nga nthani ha u huvhala na u sa tendelana.
Musi vha tshi khou amba na Soccer Beat, Vho-Masilela vhari ahuna ndila ye Khanyisa Mayo a tamba ngayo ine ya sa ite uri vha vhonale sa mutambi wa phanḓa ane a nga ranga phanḓa tshigwada tsha Kaizer Chiefs.
“Ndi ḓo amba ngoho. Ahuna tshithu nga ha kushumele kwa Mayo kha khalanwaha yo fhiraho tshine tsha ita uri ndi humbule uri ndi mutambi ane a fanela u sainiwa lwa tshoṱhe.
“A vho ngo nṱuṱuwedza na luthihi,” ho amba Masilela, muṅwe wa vhatambi vhe vha vha vha sa ṱoḓi vhatikedzi nga maanḓa.
O amba uri o mangala uri Chiefs yo fhedza yo mu saina, fhedzi u vhona unga zwi nga vha zwo itiswa ngauri thimu i khou ṱahela vhatambi vha phanḓa.
“Vha nga vha vha tshi khou sedza uri vha na nnyi phanḓa,” ho bvela phanḓa mulanguli wa kale.
“Hu na Flavio Silva na Ashley du Preez, nahone a zwi athu vha khagala nga ha Etiosa Ighodaro.
“khanwe vho no zwi vhona uri heyi ndi dili ya vhudi vha kho toda u mufha tshinwe tshikhala.”
- VHALANI HAFHU : Loyiso Bala o bvukulula ndima ntswa kha mushumo wawe
Vho-Masilela vhari u swika ha mugudisi muswa Vho-Fernando Da Cruz kha thimu ya Kaizer Chiefs zwi nga fha Khanyisa Mayo tshikhala tshiswa tsha u sumbedza vhukoni hawe.