Khanye o sasaladza munṅwe wa vhatambi vhaswa wa Chiefs 

Mutambi wa kale wa thimu ya Kaizer Chiefs Junior Khanye na ene o sasaladza munwe wa vhatambi vhaswa vha kilabu, a ri ahuna zwine a nga shandukisa thimu kha ino khalanwaha.

Khanye uri mutambi wa Tanzania Adolf Mtasingwa u do tou engedza tshivhalo tsha vhatambi kha Amakhosi. 

“Ndi ngani ri sa athu wana mutambi a fanaho nae ngei Daveton, Soweto kana Spruit?

“Ri nga wana muṅwe wa khwine vhukuma u fhira ene,” Khanye o ralo.

O isa phanḓa na u amba uri mutambi wa nnḓa u fanela u kona u ṱhasela zwikhala zwine a vha nazwo na u rembuluwa nga hu leluwaho na bola.

Uri hezwi ndi zwithu zwine Vho-Mtasingwa vha nga si kone u zwi ita kha Kaizer Chiefs zwa zwino.

“Arali ni sa koni u ita hezwo, zwiamba hu na thaidzo. Ahuna tshithu tsho khetheaho nga ha hoyu munna,” o isa phanda.

Khanye uri u tamba hawe zwi kombetshedza Lebohang Maboe uri a shume nga maanda vhukati ha mudavhi.

“Maboe o fhedza o ita mushumo wa vhathu vhavhili ngauri hoyu muthannga u tamba safety fhedzi.

Vho dovha vha vhambedza Mtasingwa na mutambi wa kale wa Kaizer Chiefs Vho-Anthony Akumu, vhari avha vhavhili vha a fana nga tshitaila tshavho tsha u tamba.

• VHALANI ZWINWE :  Mulaedza wa Du Preez wa u onesa vha Kaizer Chiefs

A dovha a amba uri naho a sa vhoni tshithu tsho khakheaho kha Thabo Cele, o vha a khwine kha Mtasingwa.