Tshifhinga tsho swika tsha  Omar Artan tsha uri a penye

Malugwane wa Somalia Omar Artan u ḓo ita ḓivhazwakale nga Ḽavhuraru musi a tshi lidza nḓevhe kha Uefa Super Cup.

Mutambo u vhukati ha Paris Saint-Germain, na Aston Villa, ngei Red Bull Arena ngei Salzburg, Austria.

U tholwa uhu hu amba zwinzhi kha bola ya milenzhe ya Afrika sa izwi Artan a tshi ḓo vha malugwane wa u thoma a si wa Europa u langa mutambo uyu muhulwane.

U tholwa hawe ndi vhuṱanzi ha bvumo ḽawe ḽine ḽa khou aluwa kha bola ya milenzhe ya ḽifhasi na tshumisano vhukati ha Uefa na Caf kha mveledziso ya vharefiri.

Fhedzi u bvelela uhu hu ḓa nga murahu ha vhuṱungu vhuhulwane kha mushumo wa Omar Artan wa u refa. 

Minwedzi i si gathi yo fhiraho vho vha vho topolwa  uri vha vhe munwe wa vharefiri kha World Cup ya 2026.

Naho zwo ralo, muloro wawe wo thivhelwa musi a tshi hanelwa u dzhena United States, naho o vha e na visa i shumaho.

Zwenezwo zwo ita uri a xelelwe nga tshibuli tsha u refa kha thonamennde khulwanesa shangoni.

Nṱhani ha u kulea nungo, Artan o bvela phanḓa a tshi shuma nahone a langa mutambo kha mitambo ya Somalia na Kuwait.

• VHALANI ZWINWE : Khanye o sasaladza munṅwe wa vhatambi vhaswa wa Chiefs 

U amba uri thikhedzo ye a i wana kha vhafuni vha bola ya milenzhe u mona na shango yo mu ṋea maanḓa a u bvela phanḓa na u lwela miloro yawe.

Zwino Omar Artan o vhuya nga maanḓa mahulu, nahone u tsini na u ita ḓivhazwakale nga u vha refiri wa u thoma wa Afrika u langa mutambo wa Uefa Super Cup.