CEO wa Jozi FM vho Mpho Mhlongo vho imiswa mushumoni 

Mulanguli Muhulwane wa Jozi FM 105.8 Vho-Mpho Mhlongo vho imiswa mushumoni , Vho-Collen Hans vho tholiwa sa mulanguli muhulwane wa tshifhinganyana.

Tshanduko ya vhurangaphanḓa yo ḓivhadzwa nga Bodo Soweto Media Resource Centre  (SMRC), ine ya shumisa tshiṱitshi tsha radio tsha tshitshavha, nga murahu ha tsheo ya bodo nga ḽa 10 Ṱhangule 2026.

Mudzulatshidulo wa Bodo Vho Rapitse Montsho vho khwaṱhisedza uri Vho Hans vho dzhia mushumo wavho muswa nga ḽeneḽo ḓuvha nahone vha ḓo dzula kha vhuimo honoho u swikela hu tshi ṋewa nḓivhadzo iṅwe.

Bodo yo amba uri tsheo iyi yo sedza kha u vhona uri mishumo a i thithiswi na u tevhedzwa ha ṱhoḓea dza ndaulo.

Tshanduko i tevhela ṱhoḓea dzi re fhasi ha ICASA TOR 5.1.3(c) na ndaela ya Khothe Khulwane yo bviswaho nga ḽa 21 Fulwana 2026.

Vhashumi, vhaḓiṋekedzi na vhaṋetshedzi vho laedzwa u vhiga mafhungo a mushumo na thendelo thwii kha Hans, ane a dovha a vha musaini o tendelwaho wa tshiṱitshi e eṱhe.

• VHALANI HAFHU : Tshifhinga tsho swika tsha  Omar Artan tsha uri a penye

Jozi FM i dovha ya lugisela Elective AGM yayo, ine ya khou lavhelelwa nga dzi 21 dza khubvumedzi 2026.