Focalistic o amba nga ha khaedu dzine DJ Mujava a khou tangana nadzo

Vho vhudza Daily Sun uri vhaimbi vha khou toda thikhedzo musi vha tshi khou sedzana na mitsiko ine ya da na bvumo.

Vho-Focalistic vhane dzina lavho la vhukuma ndi Lethabo Sebetsoane, vhari vho aluwa vha tshi thetshelesa na u thonifha DJ Mujava.

Mujava o mbo ḓi duma na  mashangoni a nnḓa nga luimbo lwawe lwa Township Funk lwe lwa bviswa nga 2008.

Vho DJ Mujava vhane dzina lavho la vhukuma ndi Elvis Maswanganyi vha divhea sa munwe wa vhathomi vha tshigwada tsha Barcadi.

DJ Mujava o vha na mukovhe wawe wa thaidzo kha minwaha yo fhiraho.

Nga 2024, o mbo ḓi ṱanganedzwa sentharani ya u vusuludza nga murahu ha musi vhathu vha tshi thoma u vhilaela nga ha mutakalo wawe.

Nga tshenetsho tshifhinga, mivhigo yo vha i ya uri u khou tshila zwavhuḓi. Nga murahu ha zwenezwo vho vhofhololwa nga Lambamai 2025.

Fhedzi gurannḓa ya Daily Sun yo vhiga mbilaelo nga ha tshimo tshawe nga murahu ha musi o vhuyelela zwiṱaraṱani zwa Atteridgeville.

Focalistic uri u humbula uri musi a tshi thoma mushumo wawe sa muimbi, o lingedza u wana Dj Mujava a ita na u fara muṱangano uri a kone u mu livhuwa musi a tshi kha ḓi tshila.

• VHALANI HAFHU: Cardoso u sola vho malugwane kha u huvhala ha Mokoena

U fulufhela uri Dj Mujava u do vha na tshifhinga tshine a do pfa a tshi funiwa na u tikedziwa nga vhathu vhane vha mufuna.

“Mafheloni a ḓuvha, vhathu vha ri vhona sa vhatikedzi fhedzi. Ri fanela u isa phanḓa na u rabelela vhatikedzi vhane ra vha funa ngauri hu na zwithu zwinzhi zwine zwa khou itea kha heyi nḓowetshumo.”