Mdledle u amba nga ha tsheo ya Ndlovu ya u ṋanga Sundowns kha Pirates

Mutambi wa kale wa thimu ya orlando pirates na mamelodi sundowns innocent mdledle vhari vha khou timatima tsheo ya Siyanda ndlovu ya u dzhena kha thimu ya sundowns madzuloni a pirates.

Ndlovu o bvelela kha khalanwaha yawe ya u thoma ya Betway Premiership kha Golden Arrows, a kunga dzi kilabu khulwane.

Pirates hu pfi yo vha i tshi mufuna nahone i tshi ita zwothe fhedzi a hana u vha joiner, a nanga u pfulutshela Sundowns.

Mdledle uri thimu ya Pirates i ḓivhelwa u ṋea vhatambi vha Afrika Tshipembe tshikhala tsha u tamba na u aluwa.

“Tshithu tshithihi tshine vhathu vha fanela u tshi humbula nga ha Pirates ndi uri vha bveledza vhukoni ha vhatambi vha Afrika Tshipembe,” ho amba Mdledle.

“Ndi nga ita tsumbo ya nne mune. Vho ndzhia musi ndi tshi kha di tamba kha Vodacom League vha nnyisa thwii kha thimu ya vhahulwane, nda kona u dzula fhasi nda tamba.”

“Zwino, a thi na vhutanzi uri u dzhena kha Sundowns zwo vha tsheo ya khwine khae.”

“Pirates scouts vha a ḓivha mushumo wavho.Vha ḓivha vhukoni musi vha tshi vhu vhona.

“Sedzani Mbekezeli Mbokazi, o bva kha thimu ya vhana vhaṱuku nahone o mangadza vhanzhi.

“Na Relebohile Mofokeng zwo ralo. Tshifhinga tshothe musi Pirates i tshi saina mutambi, vha a divha zwavhudi uri vha khou ita mini,” vha ralo.

• VHALANI ZWINWE :Vha Young Africans vha toda u saina Justice Figuareido

Sa vhunga Ndlovu o nanga u pfulutshela kha Mamelodi Sundowns, zwi khou lavhelelwa nga maṱo matswuku uri u ḓo tamba hani.

Vhanzhi, sa Mdledle, vho vhona u tamba hawe sa muthu o teaho zwavhuḓi kha Pirates nahone a nga ḓadza tshikhala tsha Relebohile Mofokeng.