Lesego Marakalla u sumbedza vhukoni hawe ha u tamba zwitori

Ndi munwe wa vhatambi vha re na vhukoni vhukuma vhe vha vhuya vha ṱanḓavhudza zwikirini zwa TV.

Lesego Marakalla o ḓiitela dzina nga murahu ha musi o khethiwa sa mutambi wa  Rachel Kunutu kha Skeem Saam.

Rachel o thoma e mugudiswa tshikoloni tsha murole wa nṱha, khotsi awe vha lovha nga khombo ya goloi.

U xelelwa hawe zwo kwama ene na muṱa wawe nga nḓila i vhaisaho vhukuma. Rachel o vha o vhea maṱo awe kha u pfuma, nahone musi miṅwaha i tshi khou ḓi ya, o vha a tshi ita zwithu zwi shushaho ngeno a tshi khou pandamedza tsheede.

O vha a na suger daddy a tshi tshila vhutshilo ha nṱha a tshi dzula na mme awe vha konḓaho Celia Magongwa.

Rachel na Marothi Maphuthuma vho fhedza vho malana, fhedzi zwo vha zwi si tshitori. O mbo ḓi ṱuwa Turfloop, nahone a hu na we a pfa nga hae.

Miṅwedzi i si gathi yo fhiraho, Rachel o vhuya, nga hetshi tshifhinga sa mutshimbidzi wa zwidzidzivhadzi.

Zwi ṱungufhadzaho kha vhafuni vha Skeem Saam ndi uri tshiṱori tsho vhona Rachel a tshi dovha a ngalangala kha ḓirama ya pfunzo ya SABC1.

Lesego a nga vha a siho kha tshikirini tshashu zwa zwino, fhedzi vhukoni hawe ndi tshithu tshine a hu na ane a nga tshi hanedza.

• VHALANI HAFHU; Makhadzi o humbela pfarelo kha tshitshavha

Mutambi wa matambwa we a wina pfufho o tou dzhena kha  zwileludzi zwa vhudavhidzani nga monologue yavhuḓi vhukuma.

Lesego o shululela vhuḓipfi hawe ha nga ngomu, a tshi sumbedza vhutsila hawe vhu mangadzaho, hu si na u thithiswa.

Translated by Nthaduleni Rolivhuwa