Anele Mdoda o netshedza thikhithi dzawe dza Boyz II Men 

Anele Mdoda o sia vhatikedzi vhawe vho takala kha  zwileludzi zwa vhudavhidzani nga murahu ha musi o dzumbulula uri khontsathi ya Boyz II Men ye ya vha yo lavhelelwa vhukuma i nga mufhira.

A tshi khou takalela u ya u pembelela na vhatikedzi ngae vha Arsenal.

Muthu wa nyanḓadzamafhungo o dzhena kha X u ḓivhadza uri u na thikhithi mbili dza  phanḓa dza u ya kha mbekanyamushumo ya tshigwada tsha R&B ngei SunBet Arena, fhedzi pulane dzawe dza madekwana dzo vha dzo no shanduka.

Nṱhani ha u tendela zwidulo zwa premium latea, Anele o dzhia tsheo ya u zwi ṋea muṅwe mutevheli wawe wa mashudu.

“Ri na zwidulo zwivhili zwa  phanḓa kha Boyz II Men zwa madekwana a ṋamusi kha SunBet nahone a thi vhoni u nga ndi ḓo ya ngauri ndi ḓo vha ndi tshi khou pembelela na vhatikedzi vha Arsenal kha HEINEKEN HOUSE  naho zwo ralo, arali ni tshi ṱoḓa thikhithi, iyani kha siaṱari ḽanga ḽa instagram ni tevhele ndaela .

Post ya Anele yo ṱavhanya ya kunga vhafuni, vhanzhi vho vha vha tshi fhisetshela u wana zwanḓa zwavho kha thikhithi dzine dza khou ambiwa.

• VHALANI HAFHU: Vhatambi vha Bafana Bafana vho lugela u ya USA

Naho vho nanga u pembelela bola ya milenzhe u fhira khontsathi, Anele o zwi bvisela khagala uri u kha ḓi vha na vhuimo havhuḓi kha Boyz II Men nahone u fulufhela uri vhane vha ḓo fheleledza vho win vha ḓo ṱanganedza nga vhuḓalo tshenzhemo.