Mamelodi Sundowns yo engedza thendelano ya Thapelo Morena
Mafhungo ane a khou swika kha ino webusaithi ndi a uri vhatambi vha Betway Premiership vho tendelana kha thendelano ntswa na mutambi a re na tshenzhemo Thapelo Morena, zwine zwa ḓo ita uri a vhe Chloorkop phanḓa ha khalanwaha i ḓaho.
Muṅwe ṅwaha wa Morena
“Ndi ngoho, Matrapa [Morena] u do dzula kha kilaba. Ndi tou vha ndi sina vhutanzi uri u do dzula lwa tshifhinga tshingafhani, fhedzi zwi vhonala uri o saina lwa nwaha muthihi nahone a nga dzula tshifhinga tshilapfu na nga murahu ha season i daho,” ho dzumbulula tshisima.
U bva tshe a dzhena kha tshigwada tsha Bloemfontein Celtic tshine zwino a tshi tsha shuma nga 2016, mutambi wa miṅwaha ya 32 o aluwa a vha muṅwe wa miraḓo i fulufhedzeaho na i re na vhukoni ha tshigwada tsha sundowns.
Morena o thoma a ḓikumedzela vhumatshelo hawe ha tshifhinga tshilapfu kha kiḽaba musi a tshi saina thendelano ya miṅwaha miṱanu nga 2020, ye ya vha yo vhetshelwa u shuma u swika nga Fulwi 2025.
Vha Tshwane giants vho vha vho no ḓi bveledza u engedzwa ha ṅwaha muthihi ṅwaha wo fhiraho nahone zwino vho nanga u mu lambedza nga iṅwe thendelano ya tshifhinga tshiṱuku.
Morena o dzhielwa nṱha kha Downs
Luvhilo lwawe lwa u gidima, u shuma hawe, na u kona u ita zwithu zwo fhambanaho zwo ita uri a vhe muthu wa ndeme vhukuma, a kone u shuma zwavhuḓi kha mutambi wa murahu wa tsha u ḽa khathihi na kha zwikhala zwa nṱhesa.
Kha miṅwaha yo fhiraho, vho vha tshipiḓa tsha tshiṅwe tsha zwifhinga zwo bvelelaho vhukuma kha ḓivhazwakale ya kilabu.
Vha thusa Sundowns u wana zwiphuga zwinzhi zwa ligi na zwiphuga zwinzhi zwa hayani ngeno vha tshi khou vhulunga vhuvhusi havho kha bola ya milenzhe ya Afrika Tshipembe.
Translated by Nthaduleni Rolivhuwa