Vha Young Africans vha toda u saina Justice Figuareido

Vha  Young Africans vha khou isa phanḓa na u khwaṱhisa tshigwada tshavho nga murahu ha musi vho thola Vho-Manqoba Mngqithi sa mugudisi wavho muswa.

Hu khou pfala uri tshigwada tsho thoma nyambedzano na Chippa United tsha u saina mutambi wa Swaziland Justice Figuareido musi hu sa athu thoma khalanwaha ya 2026/27.

Mutambi wa minwaha ya 27 hu khou pfi u khou todiwa nga Mngqithi, ane a khou toda u shuma nae musi a tshi khou thoma vhutshilo vhuswa ngei Tanzania.

Uya nga ha mivhigo, Yanga i vhona Figuareido sa mutambi ane a nga ḓadza tshikhala tsho siwaho nga Prince Dube, we a ṱutshela tshigwada.

Naho Figuareido o sala na nwaha kha thendelano yawe na Chippa United, hu khou pfala uri Yanga yo diimisela u ita zwothe zwine ya nga kona u swikelela thendelano.

• VHALANI ZWINWE :  Botlhale Boikanyo u kovhelana mafhungo awe mahulwane

Hezwi zwi sumbedza uri vhalanguli vha Young Africans vho ḓiimisela u tikedza Manqoba Mngqithi kha makete wa u rengisa vhatambi nga u ḓisa vhatambi vhane vha vha tama.

Arali nyambedzano dza bvelela, Figuareido u do vha munwe wa vhatambi vhane vha do sainwa kha Young Africans sa izwi vha tshi khou sedza kha u tsireledza zwiphuga zwavho na u ita bvelela yo khwatha kha mitatisano ya Caf kha khalanwaha i daho.