Hugo broos o bvisela khagala  zwine zwa khou mu vhilaedzisa

Mugudisi wa Bafana Bafana Vho-Hugo Broos vho bvisela khagala zwithu zwine zwa khou vha vhilaedzisa vhukuma musi hu tshi khou thoma mitambo ya World Cup.

O sumbedza mbilaelo yawe nga ha u sa tamba ha vhaṅwe vhatambi vhane a vha fulufhela kha kilabu dzavho.

O amba nga ha nyimele ya Evidence Makgopa wa Orlando Pirates, we na ene a dzhielwa jeresi yawe nga vha tshigwada tsha vhahali.

Mugudisi wa Belgium o tenda uri u khou mangadzwa nga zwine zwa khou itea kha mutambi uyu ane a vha munwe wa vhatambi vhane a vha fulufhela.

Makgopa wa minwaha ya fumbili thanu ndi munwe wa vhatambi vhe vha tamba zwavhudi nga tshifhinga tsha mitambo ya u khethela vhatambi vhane vha khou ya kha thonamenthe.

Fhedzi kha kilabu, zwithu zwo shanduka nga inwe ndila sa izwi Yanela Mbuthuma o no vha mutambi wa phanda.

Nahone Hugo Broos ha dzumbi u dinalea hawe nga vhuimo.

“Tshiṅwe tshifhinga ndi a mangala ndi tshi vhona vhatambi vha sa khou tamba… vha kha bannga,” vho topolwa nga u ralo kha iDiski Times.

“Makgopa ha tsha tamba kha Pirates, tshiitisi tsha zwenezwo ndi mini?, zwenezwo zwi ita uri mushumo wanga u konḓele.”

O amba uri arali mutambi a sa khou tamba kha kilabu yawe, u na vhuḓifhinduleli ha u nanga thimu yawe.

“Arali wa dzhia mutambi ane a vha na miṅwedzi a sa khou tamba, u vha na thaidzo ya u ya phanḓa,” Broos o ralo.

• VHALANI HAFHU :Monyane Ro vha ri na pulane na Pirates

Musi World Cup i tshi khou sendela nga u ṱavhanya, Hugo Broos u ḓo vha a tshi khou fulufhela uri vhatambi vhawe vha ndeme vha ḓo wana tshikhala tsha u tamba u itela u ḓilugisa.