Monyane “Ro vha ri na pulane na Pirates “

Mutsireledzi wa Kaizer Chiefs Vho Thabiso Monyane vho humbula nga ha mutambo wa Soweto Derby na tshigwada tsha Orlando Pirates na ndugiselo dza Amakhosi dza u tamba Siwelele.

Glamour Boys yo kuvhanganya phoindi musi i tshi tamba na vhapikisi vhayo Orlando Pirates kha mutambo wa 1-1 we wa tambiwa tshitediamu tsha FNB nga Swondaha.

Mvelelo, naho i sa athu vha gundo, ndi u khwiṋiswa u bva kha u kundwa ha 3-0 he Chiefs ya ṱangana naho musi i tshi tamba na Pirates nga nwedzi wa Luhuhi.

Musi ri tshi humbula nga ha mutambo, Monyane we a dzhena kha Amakhosi mathomoni a khalanwaha a tshi bva kha Orlando Pirates, o takadzwa nga poindi.

“Derby yo vha ya vhudi. Ro vha ri na pulane nahone ra i shumisa zwavhudi. Zwi tou vha khagala uri thimu dzothe dzo lingedza u wina mutambo fhedzi dzo fhela nga u lingana,” Monyane o vhudza webusaithi ya kilaba.

Vha tshi kha di lingedza u wana vhuimo havho ha vhuraru , Chiefs zwino i khou di lugisela u tamba na Siwelele FC nga Lavhuraru nga madekwana.

“Zwino ro lavhelela u ya Bloem kha mutambo na Siwelele ine ya vha kha vhuimo ha vhu 11,” Monyane o engedza.

“Ro no tamba Derby, fhedzi hoyu ndi mutambo wa ndeme nga nḓila i fanaho.

• VHALANI HAFHU: Mato oṱhe a kha Broos kha u khetha vhatambi vha word cup

“Ro vha sengulusa nahone ro pulana nga nḓila yo teaho, nahone zwino ri fanela u ya ra zwi shumisa zwavhuḓi hafhu, ri sa athu phetha nga ḽa uri, “Ri kha tshipiḓa tsha u fhedzisela tsha khalanwaha, nahone ndi zwa ndeme uri ri khwinise.