Sundowns yo tamba u lingnana kha mutambo wayo na Chiefs
Kaizer chiefs na mamelodi sundowns vho tamba mutambo wa 1-1 kha mitambo ya betway premiership stadium tsha FNB nga Mugivhela nga masiari.
Vhatikedzi vha fhiraho 80 000 vho vhona mutambo wo tsitsikanaho, na zwifhinga zwinzhi zwi takadzaho.
Thimu mbili dzo sika zwikhala fhedzi dza kundelwa u wana tshikoro tsha u kunda. Chiefs yo kora tshikoro tsha u thoma nga miniti wa vhu 64.
Siphesihle ndlovu o dzhia bola kha kegan johannes a i dzhena bogisini.
A mbo ḓi i ṋea Langelihle Phili, we a si tsha timatima, a i dzhenisa kha mambule.
Sundowns yo vhuyelela kha mutambo nga miniti ya vhu 76. Cassius Mailula we a vha a tshi kha ḓi tou bva u dzhena, o kona u fhufha a rwa bola a fhira mutsireledzi wa Chiefs.
Thimu mbili dzo bvela phanḓa na u ṱoḓa tshikoro tsha u kunda. Bennett Mokoena o ṱoḓa u i wana nga tshifhinga tsho engedzwaho.
Shotho yawe yo rwa ntha ha pala ya fhira nga nnḓa.
Siyanda Ndlovu na ene o ṱoḓa u dzhia tshikoro fhedzi tshikoro tshawe tsha fhira nga nṱha ha mapala musi Kaizer Chiefs na Mamelodi Sundowns vha tshi ṱangana nga 1-1.
Poindi iyi i sia Chiefs i ntha ha Betway Premiership nga point dza sumbe kha mitambo miraru.
Sundowns yo vha i na points nṋa kha mitambo mivhili.
Fhedzi Kaizer Chiefs zwino yo no tamba mitambo ya fumi nga u tou tevhekana i sa athu kunda Mamelodi Sundowns kha mutambo wa ligi.