Mugudisi wa kaizer chiefs vha talutshedza u kundwa nga  siwelele

Mugudisi wa Kaizer Chiefs Vho-Cedric Kaze vho lingedza u ita uri zwi pfesesee musi vha tshi kundwa nga Siwelele FC nga 2-0 nga Ḽavhuraru ngei Bloemfontein.

Zwikoro zwi bvaho kha Tebogo Potsane na Siphesihle Jeza zwo ita uri Siwelele FC i kunde nga 2-0 ngei Tshitediamu tsha Toyota nga Ḽavhuraru vhusiku, zwa fhelisa mutambo wa Amakhosi wa mitambo ya sumbe i sa athu kundwa.

Vhaṋe vha haya vho thoma zwavhuḓi nahone vha fara Kaizer Chiefs hu tshe na tshifhinga.

Musi ho no fhela mimunithi ya sumbe fhedzi mutambo u tshi thoma, Potsane o mbo ḓi fhindula nga u ṱavhanya nga murahu ha musi tshikoro u thoma ha Manelisi Mazibuko ho thivhelwa.

Zwa ṋea Siwelele vhuimo ha u ranga phanḓa na u vhea thoni ya madekwana.

Siwelele yo mbo ḓi ḓifulufhela musi hafu i tshi khou bvela phanḓa nahone ya engedza vhuimo hayo kavhili nga miniti ya vhu 26.

Ho vha hu nḓila yo fhaṱiwaho zwavhuḓi, Ghampani Lungu o vhea Jeza, we a fhedza o dzika a tshi dzhia tshikoro tshawe tsha u thoma tsha phurofeshinaḽa na u ṋea vhaṋe vha haya vhurangaphanḓa ho ḓigeḓaho nga tshifhinga tsha u awela.

Mugudisi wa Kaizer Chiefs Vho-Cedric Kaze vho tenda uri thimu yavho yo vha i tshi khou ṱahela kha hafu ya u thoma.

“Wo vha u mutambo wa hafu mbili, ro vha ri siho kha hafu ya u thoma na zwoṱhe, u thoma kha nḓila dza u fhaṱa, u ṱhasela na u tsireledza, nahone musi u siho, u ḓo ṱarafiwa.

MuBurundi o tenda uri musi mutambo wo no fhela, ho vha na mbudziso dzo vhalaho nga ha uri naa ho vha hu tshi nga itwa dzi rotation nnzhi u itela u ḓisa milenzhe na mihumbulo miswa,

• VHALANI HAFHU : Hugo broos o bvisela khagala  zwine zwa khou mu vhilaedzisa

A engedza nga uri ndi vhuḓifhinduleli ha mugudisi u lavhelela zwiimo zwo raloho. Vho amba uri zwino thimu i tea u sedza na u khwinisa kha mitambo yayo ine ya khou ḓa.