Cardoso o bvisela khagala mbilaelo dzawe phanḓa ha Chiefs

Mugudisi wa Mamelodi Sundowns Vho-Miguel Cardoso vho bvisela khagala mbilaelo dzavho khulwanesa phanda ha mutambo muhulu na Kaizer Chiefs.

Thimu dzi do ṱangana FNB Stadium nga Mugivhela nga awara ya vhuraru nga masiari kha mutambo une  wo lavhelelwa vhukuma.

Mugudisi wa Portugal o bvisela khagala uri u khou vhilaedziswa vhukuma nga ndila ine thimu yawe ya vala ngayo murahu.

Sundowns yo dzhia tshikoro kha mutambo wayo wa zwenezwino na TS Galaxy.

Hezwi zwo ḓa nga murahu ha musi vho ṋea tshikoro nga nḓila i fanaho musi vha tshi tamba na Polokwane City kha mutambo wa MTN8 mafheloni a vhege yo fhiraho.

Hezwi zwi amba uri Sundowns yo no dzhia zwikoro zwiraru kha mitambo mivhili fhedzi.

Vho-Miguel Cardoso vho tenda uri nyimele i khou tea u tandululwa nga u ṱavhanya, nga maanḓa musi vha tshi khou sedzana na Kaizer Chiefs.

“Zwi a mangadza uri ro no ṋea zwikoro zwiraru u bva kha zwipiḓa zwo vhewaho kha mitambo mivhili,” ho amba Cardoso.

Mugudisi vhari thaidzo iyi i khou mangadza ngauri Sundowns yo tamba mitambo ya 50 kha khalanwaha yo fhelaho fhedzi a i athu vhuya ya dzhia zwikoro zwinzhi nga heyi ndila.

• VHALANI HAFHU: Ouaddou o amba nga ha u huvhala ha Nduli

Cardoso u tenda uri fulufhelo ḽa vhatambi ndi ḽone ḽa u thoma ḽine ḽa fanela u lugiswa u itela u lugisa thaidzo.

“Ri fanela u lugisa zwenezwo na u vhuyedzedza fulufhelo ngauri zwoṱhe zwi kwama fulufhelo,” o ṱalutshedza.