Gayton McKenzie u fhululedza thimu ya Mamelodi Sundowns

 Minisiṱa wa Mitambo Vho Gayton McKenzie vho fhululedza tshigwada tsha Mamelodi Sundowns kha u wina tshiphuga tsha Ḽigi ya Dzingweṋa dza CAF tsha ino khalanwaha.

 Minisiṱa vho ṱalusa gundo sa vhuṱanzi ha u ḓikumedzela ha kilabu, vhuphurofeshinaḽa, na u ḓikumedzela hu sa dzinginyei kha vhukoni.

 Vho engedza nga uri Mamelodi Sundowns yo dovha ya sumbedza uri ndi ngani bola ya milenzhe ya Afrika Tshipembe i tshi khou bvela phanḓa na u ṱaṱisana kha maimo a nṱhesa kha dzhango ḽa Afrika.

“Ndo imela Muvhuso wa Afrika Tshipembe na MaAfrika Tshipembe vhoṱhe vha funaho bola ya milenzhe, ndi fhululedza Mamelodi Sundowns kha tswikelelo iyi ya nṱhesa.

“U bvelela havho ho ḓisa vhuḓikukumusi vhuhulwane kha lushaka lwashu nahone zwi shuma sa ṱhuṱhuwedzo kha vhatambi vha bola ya milenzhe vhane vha khou ṱoḓa u vha vhatambi vha bola ya milenzhe u mona na shango.

Vho fhufhisela fuḽaga ya Afrika Tshipembe nṱha na u sumbedzisa uri nga u shuma nga maanḓa, u ḓilaya, na u shumisana ha tshigwada, vhuhulwane vhu nga swikelelwa,” Vho McKenzie vho ralo.

O khoḓa vhatambi 
Minisiṱa vho isa phanḓa na u khoḓa vhatambi, tshigwada tsha thekhinikhala, vhulanguli, vhatikedzi, na vhakwamei vhoṱhe vhe vhuḓidini havho ho ṱanganelaho ha shela mulenzhe kha u bvelela uhu ha ḓivhazwakale.

• VHALANI HAFHU: Tyla u livhuwa lufuno lune a lu wana Mzansi

“Sa vhahali vha Afrika, Mamelodi Sundowns a vho ngo ṅwala fhedzi iṅwe ndima i sa hangwei kha ḓivhazwakale yavho i ḓivheaho fhedzi vho dovha vha khwaṱhisa vhuimo ha Afrika Tshipembe kha bola ya milenzhe ya dzhango,” vho ralo.