Kaizer Chiefs yo topola vhatambi vhaṋa vho lugelaho Bafana Bafana

Mugudisi wa thimu ya kaizer chiefs Khalil ben youssef vho bvisa khaedu kha vhagudisi vha thimu ya Bafana Bafana.

U amba uri huna vhatambi vhanzhi vha Chiefs vhe vha ita zwo eḓanaho uri vha dzhielwe nṱha kha thimu ya lushaka.

Nga murahu ha mutambo u fhisaho wa Soweto he vha tamba  1-1 na Orlando Pirates, mulindavhuno Brandon Petersen o vha a khou tamba zwavhudi.

Mutambi wa minwaha ya 31 o gavha zwikoro zwa rathi nahone a nangiwa sa Mutambi wa Mutambo.

Fhedzi Ben Youssef o zwi bvisela khagala uri mulindavhuno a si ene fhedzi ane a khou shuma zwavhuḓi kha Kaizer Chiefs nahone o tewa nga u vha kha Bafana Bafana.

“A thi vhoni u nga ndi Petersen fhedzi,” ho amba mugudisi.

“Ri na vhatambi vhaṋa kana vhaṱanu vhane vha khou vhea mutsiko muhulwane kha mugudisi wa thimu ya lushaka.”

Mugudisi wa Tunisia o nanga Bradley Cross, Lebohang Maboe na Thabiso Monyane sa vhatambi vhe vha khwinisa vhukuma kha ino khalanwaha.

Naho zwo ralo, Petersen ndi ene we a vha o shumesa zwavhudi. Naho o thithiswa nga u huvhala, o dovha a takuwa phanḓa he a vha o litsha hone.

“Nga kuvhonele kwanga, o tea u vha kha thimu ya lushaka — hu si nga ṅwambo wa u ṱalula, fhedzi nga ṅwambo wa u tamba hawe,” ho engedza Ben Youssef.

“Zwi a fana na kha Cross, Maboe na Monyane ndi vhona unga vha khou swikelela.

“Hone ndi vhona unga ndi tshifhinga tsha uri vhatambi vha Kaizer Chiefs vha wane tshikhala kha Bafana Bafana.”

• VHALANI HAFHU: Ḓuvha ḽa Mbofholowo Born Free, Fhedzi naa ndi zwa vhukuma?

Musi Bafana i tshi khou lugisela mitambo ya World Cup, mutsiko u khou engedzea kha vhagudisi uri vha sedze nga nnḓa ha vhatambi vhavho vho ḓoweleaho vha lambe vhane vha vha kha fomo zwa zwino.