Cardoso o tenda uri vho tamba nga tshikhala 

Mugudisi wa Mamelodi Sundowns Vho-Miguel Cardoso vho tenda uri thimu yavho yo tamba nga tshikhala kha mbambe ya u dzhia tshiphuga tsha Betway Premiership.

Nga murahu ha musi Orlando Pirates yo tamba 1-1 na Kaizer Chiefs kha derby ya Soweto, vothi ḽo vha ḽo vulea uri Sundowns i kone u gonya nṱha.

Fhedzi nṱhani ha u shumisa tshibuli tshenetsho, masandawana vho dovha vha kundelwa.

U tamba nga 0-0 na Richards Bay, zwi tshi tevhela mvelelo i fanaho kha u tamba nga 1-1 na Stellenbosch FC, a zwo ngo vha thusa na luthihi.

Mvelelo dzo sia Sundowns i tshi khou sala murahu kha Pirates naho yo vha i na mutambo.

“Zwi tou vha khagala uri ro tamba nga tshikhala,” ho tenda Miguel Cardoso nga murahu ha mutambo wa Bay.

“Zwi a mangadza vhukuma ngauri ro vha ro fanela u dzhia tshikhala tsha u wana phoindi dzine ra dzi ṱoḓa u itela u vhuyelela nṱha.”

Musi ho sala mitambo miṱanu, Miguel Cardoso u tenda uri nyimele yo leluwa: vha fanela u kunda mitambo yavho yoṱhe yo salaho.

• VHALANI HAFHU: Sa vhatikedzi vha Chiefs, ro farwa luvhi nga Pirates

Sundowns i do vhuelela mudavhini nga lavhuraru musi i tshi do tangana na Polokwane stadium tsha Seshego.