Tshego Mabasa ha tsha vha gammbani ya Pirates

Thimu dza PSL dzi na khakhathi — nahone Tshegofatso Mabasa ndi ene tshivhangi tshazwo.

Mutambi uyu ane avha kha fomo hu khou pfala uri ha khou toda u vhuyelela kha Orlando Pirates musi tshifhinga tshawe tsha u hadzimiwa kha Stellenbosch FC tshi tshi fhela.

Nṱhani hazwo, hu pfi Mabasa u khou ḓilugisela ndima ntswa, hune gammba yawe yo vulea kha thimu dzine dza nga mutoda.

Zwiko zwine zwa vha tsini na nyimele zwi amba uri mutambi wa minwaha ya 27 o vusa tshirunzi tshawe ubva tshe a swika Stellenbosch.

U bva tshe a dzhena nga khadzimiso nga ṅwedzi wa Phando, o vha a tshi khou wana tshifhinga tsha mutambo tshifhinga tshoṱhe nahone o vha mutambi wa ndeme — zwithu zwe a vha a sa athu vhuya a khwaṱhisedzwa ngazwo kha Pirates.

Sa vhunga thendelano yawe na Buccaneers i tshi khou ṱoḓa u fhela mafheloni a khalanwaha, vhumatshelo ha Tshego Mabasa vhu zwanḓani zwawe tshoṱhe.

Nahone zwa zwino, zwi vhonala u nga o ḓiimisela u ita tshanduko.

Vhathu vha nga ngomu vhari dzi kilaba dzi si gathi dzi khou lavhelesa nyimele, nahone dzangalelo li khou lavhelelwa u engedzea musi tshifhinga tsha u rengisa vhatambi tshi tshi khou sendela.

• VHALANI HAFHU : Cynthia Shange o vhulungwa kha mbulungo ya Tshiphirini

Thimu dza Betway Premiership dzi dzula dzi tshi khou ṱoḓa vhatambi vha re na vhukoni na tshenzhemo nahone Tshego Mabasa u na zwoṱhe.

Fhedzi mbudziso khulwane zwino ndi ya uri: naa Pirates i do lwa uri i mu vhulunge, kana i do mu litsha a ṱuwa mahala?