Cynthia Shange o vhulungwa kha mbulungo ya Tshiphirini
Kanzhi vhathu vha ḓivheaho na vhathu vha re na bvumo vha vha na dzenedzi mbulungo khulwane dzine dza ṱanganelwa nga magogo.
Kha zwiambi hu na thangana dza murole na vharangaphanḓa vha nḓowetshumo. Kha Mmawe Cynthia Shange, zwo vha zwo fhambana vhukuma.
Muṱa wo dzhia tsheo ya tshumelo ya mbulungo ya tshiphirini na vha tsini.
Muṱaṱisani wa kale wa Miss South Africa na mutambi wa matambwa we a wina pfufho vho lovha nga dzi 20 dza nwedzi wa Lambamai 2026.
Mafhungo aya o ḓivhadzwa nga ṅwana wavho wa musidzana, Nonhle Thema, muthu wa nyanḓadzamafhungo na mutambi wa matambwa.
U bva tshe ha ḓivhadzwa lufu lwavho, ho vha hu tshi khou ḓa vhathu vhane vha khou hulisa vhumuthu hawe.
Kha zwiṅwe zwa zwiṱhonifho zwe zwa kwama vhanzhi ndi zwa Sindi Dlathu, we a tamba na Mam Cynthia kha Muvhango. Sindi a tshi khou tamba sa Thandaza Mukwevho.
Sindi o bvisela khagala uri Mama Cynthia vho vha vha muthu wa vhuthu, lufuno na vhulenda.
Mma Cynthia vho vhulungwa ngei KwaZulu-Natal, muṱa wo vha u tshi khou tikedzwa nga mashaka, khonani, vhahura na vhaṅwe vhakhuthadzi.
Muṱa wo livhuwa vhoṱhe vhe vha ḓa nga khavho sa izwi vho ṋea Mama Cynthia mbulungo i ṱhonifheaho. Hezwi zwi katela muṱa wo ṱanḓavhuwaho, khonani na vhahura.
“Ri livhuwa zwi tshi bva mbiluni lufuno lwavho, thabelo, maipfi a fhumudzaho, madalo, milaedza, maluvha na nyito inwe na inwe ya vhuthu ye vha i sumbedza muta washu nga hetshi tshifhinga tshi konḓaho.