Tyla u livhuwa lufuno lune a lu wana Mzansi
Tshithu tshithihi nga ha Tyla, u ḓo dzhulela u wina dzenedzo pfufho dza dzitshaka .
U bvela phanḓa na u langa muzika wa dzitshaka u bva tshe a bvelela ḽifhasini ḽoṱhe nga luimbo lwawe lwa 2024, Water.
Zwa zwino, Tyla o wana pfufho mbili kha the 52nd American Music Awards.
Muimbi na muṅwali wa nyimbo we a wina pfufho nnzhi o nangiwa fhasi ha khethekanyo nṋa kha Pfufho dza Muzika dza Amerika dza vhu 52 (AMAs).
O vhuya na pfufho mbili hayani, dzine dza vha Social Song of the Year and Favourite Afrobeats Artist.
Dziṅwe khethekanyo dze Tyla na ene a nangiwa nga fhasi hadzo, ndi best Female R&B Artist and Best Music Video.
Ngoho u wina ha tyla ho vha hu tshi pembelelwa shango lothe, fhedzi vha Afrika Tshipembe vho vha vhe phanda.
O vha a tshi khou ḓivhea kha nyanḓadzamafhungo khulwane khathihi na kha zwileludzi zwa vhudavhidzani.
Tshiṱirathedzhi tsha mafhungo tshapo, eNCA yo vha i tshi khou sumbedza Tyla kha mafhungo, vha tshi khou mu fhululedza kha u kunda hawe.
U fhindula kha tshiga tshenetsho, o isa kha Instagram yawe u sumbedza u livhuwa. Tyla ha ngo zwi dzhiela fhasi uri u khou pembelelwa, u funwa na u tikedzwa zwihulwane fhano hayani.
Muimbi we a wina pfufho ya Grammy na ene u khou ṱoḓa u nangiwa luvhili kha pfufho dza BET dza 2026, ṅwedzi u ḓaho.
Ndi ngoho, u na tshikhala tshihulwane tsha u ita ḓivhazwakale kha dziBET, u ita uri Afrika Tshipembe ḽoṱhe ḽi ḓihudze hafhu.