Frosler uri Chiefs i tea u rudza mbilu ya sedzesa kha Carling Knockout Cup

Vho-Reeve Frosler vhari Chiefs i tea u vha na maanda, i tevhele Carling Knockout nga murahu ha khombo ya Confed Cup

Kaizer Chiefs a i athu wana tshifhinga tsha u fhola kha u bva hayo CAF ine ya vha nyadzisa.

Fhedzi mutambi Reeve Frosler uri nḓila nthihi fhedzi ya u dovha a wana fulufhelo ndi u lwela ḽihulwane nga u ṱavhanya.

Chiefs yo bviswa nga dzi penalty nga Ḽavhuṱanu ḽo fhiraho, naho yo kunda Red Arrows nga 1-0 Stadium tsha Moses Mabhida, zwa ita uri tshikoro tshi vhe 1-1.

Zwino thimu i do tangana na TS Galaxy tshitediamu tsha FNB nga Lavhuvhili nga awara ya vhuthihi nga masiari, kha Carling Knockout Cup.

Vho-Frosler vhari u bva kha CAF zwo vha zwi tshi khou vha nyadzisa, fhedzi vhari vhatambi vho lingedza nga nungo dzothe u vhuyelela kha mutambo nga murahu ha mutambo wa u thoma ngei Zambia.

O ri: “Ro ṱungufhala u ṱutshela CAF, fhedzi zwino ṱhogomelo yashu yoṱhe i kha Carling Knockout Cup.”

U wina kha mutambo uyu zwi nga vhea Chiefs kha dzi quarterfinals, nahone zwenezwo zwi nga vha mutheo wa u fhaṱa fulufulu ḽine heyi thimu ya ḽi ṱoḓa.

Frosler u tenda uri hezwi zwi nga thusa Chiefs u swikelela mvelaphanḓa ine thimu ya i ṱoḓa na vhatikedzi vha i ṱoḓa.

• VHALANI ZWINWE : Mamelodi Sundowns yo bviswa kha CAF Champions League

Musi mutsiko u tshi khou engedzea kha Fernando Da Cruz, mutambo uyu u vha tshikhala tshihulwane tsha uri Chiefs i thome nga nḓila ntswa nga u kunda.