Nḓila dzine vhabebi vha nga khwaṱhisedza tsireledzo ya vhana vhavho kha inthanethe
Inthanethe i ḓisa zwikhala zwihulwane zwa uri vhana vha gude, vha ṱoḓisise zwine vha zwi takalela, na u ṱumana na khonani dzavho.
Naho zwo ralo, u fhedza tshifhinga tshinzhi kha Inthanethe zwi nga vha vhea kha vhuimo vhu re na khombo vhu ngaho u tambudzwa nga Inthanethe, vhufhura ha Inthanethe, na zwithu zwi songo teaho, khathihi na u kwamana na vhathu vhane vha si vha ḓivhe.
Nga zwenezwo, vhabebi na vhagudisi vha tea u sika nyambedzano yo vuleaho, hu si milayo i thivhelaho fhedzi.
Nyambedzano ya tsireledzo i fanela u thoma hu tshe na tshifhinga.
Musi a tshi khou shumisa thebulethe, u ṱalela dzividio, kana u tamba mitambo ya Inthanethe, mu funzeni phambano vhukati ha zwithu zwo tsireledzeaho na zwi songo tsireledzeaho.
Ṱalutshedzani ṅwana uri a vho ngo fanela u vhuya vha vhudza vhathu vhane vha sa vha ḓivhe dzina ḽavho ḽo fhelelaho, ḓiresi ya hayani, kana zwidodombedzwa zwa tshikolo.
Vhana vha anzela u fhumula musi vha tshi ofha u vhonwa mulandu kana u xelelwa nga zwishumiswa zwavho.
Nga zwenezwo, thetshelesani ni sa haṱuli, nahone ni vhudzise mbudziso dza ndeme dzi ngaho, “Ndi mini zwine na zwi takalela u zwi ita kha Inthanethe?” na “Naa no no vhona tshiṅwe tshithu tshe tsha ita uri ni si ḓigeḓe?”
UNICEF i ṱuṱuwedza zwikhala zwa u amba vho vhofholowa, na u khwaṱhisedza ṅwana uri vha nga humbela thuso naho vha tshi ofha.
Gudisani vhana u tsireledza mafhungo avho a vhuṋe: dzina ḽo fhelelaho, nomboro ya luṱingo, password, fhethu hune vha vha hone nga tshifhinga tsha vhukuma, na maṅwe mafhungo a vhuṋe.
Vha sumbedzeni nḓila ya u shumisa zwishumiswa zwa tshiphiri, u ita dzi- password dzo khwaṱhaho, na u humbula musi ni sa athu posa zwinepe na vidio.
Ndi zwa ndeme u divha uri u phumula post a zwi ambi uri yo ngalangala, sa vhunga i tshi nga vha yo no vhulungwa nga vhanwe.
Hafhu ni songo ambana vhathu vhane na sa vha ḓivhe kha inthanethe na u tambudzwa nga inthanethe: ni songo ṱanganedza khumbelo ya khonani i bvaho kha muthu ane na sa mu ḓivhe,
U langa ha vhabebi zwi a thusa, fhedzi a zwi bvisi ṱhoḓea ya vhudavhidzani vhu bvelaho phanḓa na muṱa .