Mamelodi Sundowns yo bviswa kha CAF Champions League

Thimu ya Mamelodi Sundowns yo tshuwisa vhatikedzi vhayo nga u linganisa na thimu ya Angola Wiliete SC nga 1-1 mudavhini wa Loftus nga Ḽavhuṱanu nga madekwana.

Vha Brazil, vho bviswa kha thonamente nga ṅwambo wa mulayo wa u kora zwikoro zwa nnḓa nga murahu ha musi mitambo yoṱhe yo fhela nga 1-1.

Hezwi zwi amba uri Sundowns a i nga ḓo tamba kha tshigwada tsha zwigwada kha ino khalanwaha, zwi tshi fhelisa mutevhe wayo wa u swika kha tshigwada ṅwaha muṅwe na muṅwe u bva nga 2019.

Tashreeq Matthews o ranga phanḓa nga miniti wa vhu 11.

Sundowns yo dzhena kha tshifhinga tsha u awela nga 1-0, i tshi fulufhela u fhedza mushumo hayani.

Fhedzi mukaputeni wa Wiliete Mabululu o mbo di kora mathomoni a hafu ya vhuvhili zwa shandukisa muya wa mutambo.

Sundowns yo lingedza u dzhia tshikoro tsha vhuvhili fhedzi ya kundelwa, ngeno Wiliete yo wana tshikhala tsha u pembelela u ya kha round i tevhelaho.

• VHALANI ZWINWE : NSFAS yo khwathisedza maduvha a u vala ha u ita khumbelo!

U sa vha hone ha mukapuṱeni Ronwen Williams, we a vha o huvhala, na Teboho Mokoena, we a ṱuwa nga murahu ha u huvhala kha mutambo wa u thoma, ndi dziṅwe dza khaedu dze dza vha dzo livhana na Sundowns.