zwiambaro zwa sialala zwa ma xhosa

lwa mirafho vhathu vha ma Xhosa vho vha vha tshi vhidziwa upfi vhathu vha nguvho tswuku.

Hezwi zwo vha zwi tshi itiswa nga nḓowelo yavho ya u ambara zwiambaro zwitswuku zwo ḓodziwaho nga miora mutswuku,

vhuhali ha muvhala ho vha vhu tshi fhambana u ya nga lushaka.

Vha ambara zwiambaro nga nḓila dzo fhambanaho zwi tshi sumbedza vhuimo ha muthu ane a zwi ambara.

Vhafumakadzi vha songo maliwaho vho vha vha tshi vhofha ludugu kha mahaḓa avho, zwa sia maḓamu avho a khagala.

Vhafumakadzi vho fulufhedziswaho vho vha na mavhudzi matswuku o lukiwaho,

vha a litsha a vha thivha maṱo sa tshiga tsha u ṱhonifha vhafunwa vhavho.

Vhathu vha tshifumakadzi vha ma Xhosa vha ambara tshithu thohoni u thivha thoho,

sa tshiga tsha u thonifha thoho ya muta, hu nga vha khotsi avho kana munna wavho.

Vhafumakadzi vhahulwane vha Xhosa vho vha vha tshi tendelwa u ambara dugu yo ṱanḓavhuwaho nga mulandu wa vhuhulwane havho.

Tshaka dzo fhambanaho dzo vha dzi na zwiambaro zwadzo zwo fhambanaho zwa sialala zwo vha zwi tshi sumbedza vhubvo havho ha tshaka.

Lushaka lwa Xhosa lwone luṋe lwo vha lu na tshaka mbili khulwane dzine dza nga fhambanywa nga zwitaila zwa zwiambaro.

Vhafumakadzi vha Gcaleka vha fukedza zwanḓa na milenzhe yavho nga vhulungu na vukunda vhaṅwe vha dovha vha ambara vhulungu ha mukulo.

Kanzhi vhanna vho vha vha tshi ambara bege dza mukumba wa mbudzi khadzo vha hwala zwithu zwa ndeme u fana na fola ḽo bveledzwaho hayani na lufhanga.

U ita bege zwi ṱoḓa vhutsila vhuhulwane na u sa fhela mbilu,

sa vhunga yo vha i tshi fanela u itwa nga lukanda lwo bviswaho nga tshipiḓa tshithihi, lwa fhola hu sa bviswi mavhudzi, lwa rembuluwa nga ngomu nnḓa.

vhalani hafhu: zwiambaro zwa sialala zwa vha Venda