Siphiwe Tshabalala kha tshikoloni tsha Mabindu tsha Harvard

Khalanwaha ino zwavhukuma ndi ya vha haTshabalala. Vhege yo fhiraho Vho-Bokang Montjane-Tshabalala vho ita ḓivhazwakale nga u wana ḽaisentsi ya Miss World  SouthAfrica.

Zwino munna wawe Siphiwe ‘Shabba’ Tshabalala u khou ḓi bveledzisa ngei Tshikoloni tsha Vhubindudzi tsha Harvard!

Mutambi wa kale wa Bafana Bafana o vha e tshipiḓa tsha mbekanyamushumo ya pfunzo ya vhalanguli vha Mabindu a Vhuḓimvumvusi, Vhudavhidzani, na Mitambo” ye ya farwa zwenezwino Tshikoloni tsha Mabindu tsha Havard.

Vhalanguli vha ṱoḓaho u vha 80, vhatambi, na vhatambi vha mitambo, vho ṱanganela kha maḓuvha maṋa a u guda o rangwaho phanḓa nga Muphurofesa Anita Elberers.

“Heyi Ndima ya vhutshilo hanga i vhidzwa “Tshifhinga tshanga” .
Ndo ṋewa maanḓa kha tshiimiswa tsha u guda tsha khwinesa kha ḽifhasi @harvardhbs nahone ndi a livhuwa nga hu sa fheli.

“Ndo vha ndi fhethu huthihi na mihumbulo mihulwane i bvaho kha sekithara dzo fhambanaho dza Vhuḓimvumvusi,  ḓivhazwakale na Mitambo. Mavhonele anga o vha o Maanḓafhadzwa  .
Ndi livhuwa vhukuma Muphurofesa wavhuḓi vhukuma @anitaelberse ,” Shabba o ralo.

• VHALANI HAFHU: Era By DJ Zinhle i pembela u bvelela hu hulwane

“Ndo takala vhukuma nahone ndi a ḓihudza nga inwi na zwoṱhe zwine na bvela phanḓa ni tshi zwi swikelela.

“U ḓi sukumedza nga maanḓa u fhira muthu muṅwe na muṅwe ane nda mu ḓivha, u lora zwihulwane u fhira zwine muthu a nga zwi humbula nahone ndi dakalo ḽo fhelelaho na phaṱhutshedzo u vha na tshidulo tsha  phanḓa u itela u ṱanziela vhutshilo haṋu,” o ralo Bokang .

Translated by Rolivhuwa Nthaduleni