Black Coffee u ṱanzwa dzina lawe kha mavharivharia i si one

DJ na mubveledzi wa muzika wa Afrika Tshipembe a ḓivheaho kha ḽifhasi ḽoṱhe Black Coffee o landula khagala post ya  kha zwileludzi zwa vhudavhidzani ye ya vha i tshi khou phaḓalala.

Khayo yo vha i tshi khou amba mazwifhi nga ha tshifanyiso tsha Afrika Tshipembe nnḓa ha shango i tshi sumbedza yo nwaliwa nga Black Coffee.

Muimbi we a wina pfufho ya Grammy, ane dzina ḽawe ḽa vhukuma ndi Nkosinathi Maphumulo, o dzhena kha X  nga ḽa 6 Fulwana u itela u ḓifhambanya na khouthu  ye ya vha i khou phadalala kha inthanethe.

Post ye ya vha i tshi khou phaḓalala yo amba uri o ri: “U vha muSA nnḓa ha shango zwino zwi a shonisa sa izwi muṅwe na muṅwe a tshi humbula uri roṱhe ri lushaka lune lwa vhenga vhabvannda.”

Tshifanyiso tsho vha tshi na tshinepe tsha DJ tsini na fuḽaga ya Afrika Tshipembe. Fhedzi vhashumisi vha  zwileludzi zwa vhudavhidzani vho ṱavhanya u sumbedza “red flags” dzo vhalaho.

Hu tshi katelwa na uri dzina ḽawe ḽo ṅwalwa nga nḓila yo khakheaho sa “Black Koffe” nṱhani ha Black Coffee.

U fhindula thwii kha post, DJ ho ngo tambisa tshifhinga kha u hanedza u nwala post iyo.

O ṅwala a ri: “Mafhungo a mazwifhi.”

• VHALANI HAFHU: Pienaar o ṋea muhumbulo wawe nga ha Mofokeng  

U ḓivhelwa u tandulula mafhungo a si one nga ho livhaho, phindulo pfufhi ya Coffee yo vha yo eḓana u fhelisa zwine zwa khou humbulelwa na u khwaṱhisedza vhatevheli vhawe uri tshitatamennde a tsho ngo bva khae.