Era By DJ Zinhle i pembela u bvelela hu hulwane

Ri fhululedza Era By DJ Zinhle, kha pfufho yavho ya  zwenezwino. Vho ṋewa pfufho ya Top Gender Empowered Company kha Pfufho dza  Standard Bank nga ngomu ha sekithara yavho.

Era BY DJ Zinhle i vhona u dzhielwa nṱha sa tshiga tsha vhafumakadzi vhane vha vha ṱuṱuwedzo ḓuvha ḽiṅwe na ḽiṅwe.

Hezwi zwi katela thimu yavho, tshitshavha, na ERA Bestie inwe na inwe ine ya nanga u tshimbila navho kha lwendo ulwu. Nga zwenezwo vho ṋekedza pfufho kha vhane vha vha tikedza nga nḓila dzoṱhe.

 “Kha Bestie muṅwe na muṅwe wa ERA, hezwi ndi zwaṋu.

Ri a ḓihudza nga u dzhielwa nṱha sa Top Gender Empowered Company nga ngomu ha sekithara yashu, tshipikwa tshine tsha sumbedza u ḓikumedzela hashu hu bvelaho phanḓa kha tshanduko, u katelwa, na mvelelo dzi re na ndivho.

Musi ri tshi khou aluwa u bva kha maanḓa u ya kha maanḓa, ri dzula ro ḓikumedzela kha u sika zwikhala hune vhafumakadzi vha ḓipfa vho ṋewa maanḓa, vha tshi pembelelwa, na u ṱuṱuwedzwa u ṱanganedza nḓila iṅwe na iṅwe ya vhone vhaṋe.

Ri khou livhuwa u vha havho  tshipida tsha lwendo lwashu. ✨.”

• VHALANI HAFHU: Simphiwe Ngema u pembela ḓuvha lihulwane la murathu wawe

 Kha ERA, ro vha ri tshi dzulela u tenda uri fulufhelo ḽi fhira zwine wa ambara. Ndi nga ha u sika zwikhala hune vhafumakadzi vha ḓipfa vha tshi vhonwa, vha tshi pembelelwa, na u ṋewa maanḓa a u vha zwoṱhe zwe vha itelwa u vha zwone.

Ri livhuwa Topco Media na Vhafumakadzi vha Nṱha vha Standard Bank kha u dzhielwa nṱha uhu.“

Translated by Nthaduleni Rolivhuwa