Lerato Kganyago u ḓivhadza u vhuya hafhu kha zwikirini zwashu

Lerato Kganyago u khou vhuya kha zwikirini zwashu nga gig ntswa ya  hasha. U khou dzhoina  S3 kha mbekanyamushumo ntswa ine ya amba nga ha Tshiphuga tsha Ḽifhasi tsha FIFA 2026.

Tshititshi tsha S3 tsho ḓiimisela u shuma sa tshiṱitshi tsha khasho ya ndeme ya Tshiphuga tsha Ḽifhasi tsha FIFA tsha 2026.

Tshi tshi ṋetshedza khasho yo ṱanḓavhuwaho ya tshiitea tshihulwanesa tsha mitambo ya ḽifhasi kha vhaṱaleli vha Afrika Tshipembe.

Iṅwe mbekanyamushumo i takadzaho ine ya ḓo hashiwa kha S3 ndi AFRICA TO NORTH AMERICA.

Mbekanyamushumo iyi i disa bola ya milenzhe, mvelele, vhatikedzi, zwiliwa, fesheni na zwitori kha vhataleli hayani.

I tshihashiwa nga Lerato ane a ḓivhiwa nga vhathu vhanzhi nga ḽa LKG, khathihi na Linda Mntambo.

Ndi dakalo ḽoṱhe Afrika Tshipembe, sa izwi Bafana Bafana i vhukati ha zwigwada zwo dzhenaho kha Tshiphuga tsha Ḽifhasi.

• VHALANI HAFHU:   Black Coffee ngei The O2 Arena  London 

Mitambo yayo yoṱhe i ḓo hashiwa nga tshifhinga tshithihi kha SABC1 na SABC3, u vhona uri lushaka lu nga ṱangana murahu ha thimu ya lushaka musi i tshi vhuyelela kha Tshiphuga tsha Ḽifhasi tsha FIFA lwa u tou thoma u bva nga 2010.