Tsheo ya Al Ittihad SC kha mugudisi vho Rulani Mokwena

Nga murahu ha u fhedza khalanwaha i si na tshiphuga, Al Ittihad SC yo dzhia tsheo kha mugudisi wa Afrika Tshipembe Rulani Mokwena.

Vha Libya a vha athu vha na khalanwaha ye vha vha vho i lavhelela sa izwi vho bviswa kha semi-finals dza Libyan Cup.

U kundwa uhu hu khou ḓa nga murahu ha musi fulufhelo ḽavho ḽa u wina tshiphuga tsha ligi ḽo fhela.

Rulani Mokwena o dzhena kha kilabu iyi nga ṅwedzi wa Ṱhafamuhwe nga murahu ha musi o litsha mushumo wawe ngei Algeria.

Fhedzi vhanwe vhatikedzi vha khou vhudzisa kale uri naa o ita zwo edanaho u ṱavhanya u ṱanganya tshigwada tshawe.

Zwo vha zwo lavhelelwa nga nṱha nga murahu ha tshifhinga tsha u fhirisela vhatambi nga ṅwedzi wa Phando.

Al-Ittihad yo wana vhatambi vha maimo a nṱha vha ngaho Thembinkosi Lorch na Stephane Aziz Ki.

Vhaṅwe vhatikedzi vho vha vha tshi fulufhela uri avha vhatambi vha ḓo ṱavhanya u shandukisa Al Ittihad ya vha muṱaṱisani wa tshiphuga.

Fhedzi mivhigo i bvaho Libya i sumbedza uri vhalanguli vha tshigwada vha kha di vha na fulufhelo kha Rulani Mokwena na bono lawe la tshifhinga tshilapfu.

Uya nga ha WinWin, bodo ya vhalanguli vha Al Ittihad yo dzhia tsheo ya u vhulunga mugudisi na thimu yawe.

Muvhigo wo isa phanḓa na u amba uri vhalanguli vha tenda uri mugudisi wa Afrika Tshipembe u ṱoḓa tshifhinga tshinzhi tsha u khwaṱhisa mihumbulo yawe zwavhuḓi.

• VHALANI HAFHU: Gugu Gumede o livhuwa zwikhala zwa mishumo zwe a zwi wana

Sa tshipida tsha pulane dzavho dza khalanwaha ntswa, tshigwada tshi khou lavhelelwa u shumisana na Mokwena u khwathisa tshigwada.