Shudu Musida o ṱhaphudza pfunzo dzawe Yunivesithi ya Columbia

 Miss Africa Tshipembe  wa kale Shudufhadzo Musida u khou pembelela mushumo muhulwane kha zwa pfunzo nga murahu ha musi o dzumbulula uri o fhedza pfunzo dzawe ngei Columbia University.

Ralunako na muimeleli wa mutakalo wa muhumbulo o kovhelana zwinepe zwawe o ambara gaweni ya u ṱhaphudza kha Instagram,

A tshi ḓihudza nga u swaya u fhela ha lwendo lwawe kha tshiimiswa tshi re n a bvumo tsha Ivy League.

Kha post o inga nga khephusheni ya vhuḓipfi hawe a tshi khou sumbedza zwe a zwi swikelela na mushumo wo khwaṱhaho une wa vha murahu hazwo.

O dovha a dzumbulula uri o ṱhaphudza nga STEM-designated Master of Public Administration degree, A tshi khou sedzesa kha Mbekanyamaitele ya Masheleni na Ikonomi ya Dzitshaka.

 Vhafuni, khonani na vhaḓivhalea ngae vho ṱavhanya u ḓadza tshipiḓa tsha u ṋea vhupfiwa nga milaedza ya u fhululedza, vha tshi khoḓa Musida kha u linganisa mushumo wawe wa tshitshavha na zwipikwa zwawe zwa pfunzo.

• VHALANI HAFHU: Isitha: The Enemy i onesana na  Likhona Mgali (London)

Vhunzhi ha vhashumisi vha  zwileludzi zwa vhudavhidzani  vho khoḓa u ḓikumedzela hawe kha pfunzo na u ṱalusa zwe a zwi swikelela sa zwi ṱuṱuwedzaho.