The Masked Singer South Africa i vhuya kha season III

Ndi dakalo hoṱhe musi The Masked Singer South Africa i tshi ḓivhadza u vhuya hayo kha season III.

The Masked Singer ndi muṱaṱisano wa u imba wa vhaḓivhalea, hune mashango ane a khou shela mulenzhe a vha na ṱhalutshedzo dzao.

Kha mbekanyamushumo, vhathu vha ḓivheaho vha imba vho ambara zwiambaro zwi thivhela tshifhaṱuwo u itela u dzumba vhuṋe havho.

I sumbedza u vha fomula ya u wina ine ya vha uri yo kunga vhathetshelesi vhanzhi shango lothe.

Vesheni ya Afrika Tshipembe yo no vha na dzi season mbili, i tshi khou ḓihudza nga  dzi dzhadzhi  nna, vhe vha ita mushumo muhulwane.

Ho vha hu na   DJ, Sithelo Shozi, Somizi,   Skhumba na J Something. Muhashi o vha e ramiswaswo we a wina pfufho na muthu wa nyanḓadzamafhungo Mpho Popps.

O ita uri mbekenyamushumo i takadze nga maanḓa, nga miswaswo yawe ya nga thungo, a tshi ita uri muṅwe na muṅwe a dzule o takadzwa.

 Khalanwaha ya u thoma yo winiwa nga Holly Rey, na muimbi Kurt Darren sa wa vhuvhili. Khalanwaha ya vhuvhili yo ya kha Warren Masemola na Miss Afrika Tshipembe wa kale Shudufhadzo Musida, vha dzhia vhuimo ha vhuvhili.

Vhaṅwe vhaḓivhalea vho bvelelaho vhe vha vha tshipiḓa tsha mbekanyamushumo vha katela Makhadzi, Aubrey Poo, Zozibini Tunzi, Sbu Noah na Maps Maponyane.

“Tshiphiri tshi khou bvela phanḓa… The Masked Singer South Africa yo VHUYA kha Season 3 zwino nga ṅwedzi wa Fulwana!

• VHALANI HAFHU: Tsheo ya Al Ittihad SC kha mugudisi vho Rulani Mokwena

Masks miswa. Nḓila ntswa.  vhaḓivhalea vhaswa vho ḓidzumba. Ndi tshithu tshithihi fhedzi tshine tsha khou ṱahela, U humbulela haṋu. 👀,” nḓivhadzo yo kovhelwa kha  Zwileludzi zwa vhudavhidzani.