Nga ha mutambo wa Sundowns wa ngei Morocco 

Mamelodi Sundowns i nga vha i si na muṅwe wa vhatambi vhayo vha ndeme kha mutambo wa vhuvhili wa mutambo wa u fhedzisela wa Caf Champions League.

Vhatambi vha Tswane vha do dovha vha tangana na AS FAR Rabat nga Swondaha.

 Aubrey Modiba ha na vhutanzi uri u do kona u tamba nga murahu ha musi o huvhala kha mutambo wa u thoma.

Mutambi wa murahu wa tsha monde ane a dovha a vha mutambi wa tshifhinga tshoṱhe kha Bafana Bafana, o vha na fulo ḽavhuḓi kha muṱaṱisano.

O dovha a vhea Mamelodi Sundowns kha vhuimo havhuḓi nga tshikoro kha mutambo wa u thoma ngei Loftus mafheloni a vhege yo fhiraho.

Masandawana a vha athu bvisa nḓivhadzo ya tshiofisi nga ha nyimele yawe, fhedzi zwine zwa khou sumbedza ndi zwa uri Modiba a nga kha ḓi sa vha hone kha mutambo.

U sa vha hone hawe zwi nga vha na masiandoitwa mahulwane kha mugudisi Miguel Cardoso na vha Brazil.

• VHALANI HAFHU:  Bomb Productions yo bva mulomo kha mafhungo a Nirvana Nokwe 

Mamelodi Sundowns i khou dzhena kha mutambo wa vhuvhili nga thoho i tshi zwidivha uri i khou toda kana u dirowa uri i kone u takula tshiphuga lwa vhuvhili.

Fhedzi u xelelwa nga mutambi wa vhuimo ha Modiba kha tshiimo tsha ndeme nga u rali zwi nga ita uri pulane dzi sa tshimbile zwavhuḓi.