ProVerb o ṱhaphudza pfunzo dzawe lwa tshiofisi nga MBA.

Ri fhululedza ProVerb, ane a khou penya nga iṅwe ṱhanziela. Muḓivhalea wa nyanḓadzamafhungo, murepa na muṅwali o khwinisa pfunzo dzawe nga Digirii ya Masters.

Kale nga 2024, ProVerb o ḓiita uri ene muṋe na vhane vha vha tsini nae vha ḓihudze musi a tshi ṱhaphudza nga Bachelor’s in business Administration .

Nga murahu ha u wana BBA yawe, Proverb o mbo ḓi shuma kha u bvela phanḓa na MBA na Tshikolo tsha Mabindu tsha Regenesys.

Sa nga misi, ProVerb o vha a tshi dzulela u ḓivhadza vhafuni vhawe na vhatevheli vhawe nga ha lwendo lwawe lwa zwa pfunzo.

Zwino u fhano na mafhungo mahulwane a ṱhanziela yawe ntswa .

Kha vhusiku hawe vhuhulwane, ProVerb o bvelela o ambara suthu ya classic burgundy nga Nsovo Tailored a tshi vhonala o nakelela nga maanḓa .

O fhedza arwa nga  zwiambaro zwawe zwa graduation.

ProVerb o isa phanda na u livhuwa lwendo lwawe na munwe na munwe we a tshimbila nae. O dovha a dzhia tshifhinga u ṱuṱuwedza vhoṱhe vhane vha khou tevhelela miloro yavho ngeno vha tshi khou lwa na zwa shango. 

” Madekwana a ṋamusi ndo ṱhaphudza MBA yanga lwa tshiofisi,” ProVerb o ralo.

• VHALANI HAFHU :  Bonko Khoza u fhindula  kha mavharivhari a Nirvana Nokwe

ProVerb ndi muhulwane vhukuma kha pfunzo. O dzhena St Patrick’s Christian Brothers College  vha sa athu pfulutshela Khoḽedzhini ya Allenby.

Nga murahu ha zwenezwo, o ṅwalisa u itela u wana diploma ya Sound engineering nahone a ṱhaphudza nga 2003. Ho vha na dziṅwe ṱhanziela nḓilani, nahone ri ṱuṱuwedzwa vhukuma nga lwendo lwawe .