Baartman o bvisela khagala vhuleme ha u vha mutambi wa Chiefs

Mutambi wa Kaizer Chiefs Luke Baartman o tenda uri vhutshilo ha Naturena a ho ngo mu lelutshela.

U amba uri hezwi zwi khou itiswa nga u shaya tshifhinga tsha u tamba kha ino khalanwaha.

Mutambi wa minwaha ya 19 o dzhena kha Amakhosi nga nwedzi wa thangule 2025.

O dzhena kha tshigwada tsha Cape Town Spurs nga murahu ha musi tsho no tsela fhasi kha ligi ya ABC Motsepe.

Fhedzi u dzhena kha mutevhe wa u thoma kha Chiefs zwo vha zwi tshi khou konḓa kha mutambi ane a dzhiiwa nga vhathu vhanzhi sa mutambi wa nṱha.

Baartman o tamba mitambo ya rathi fhedzi kha mitatisano yoṱhe u swika zwino kha ino khalanwaha – nahone vhunzhi ha mitambo yeneyo u vha a kha bannga.

O fhedzisela u tamba mutambo nga ṅwedzi wa lambamai musi a tshi tamba na Polokwane City kha mutambo wa Betway Premiership.

Musi vha tshi khou amba phanḓa ha mutambo wa u fhedzisela wa Kaizer Chiefs, Vho-Luke Baartman vho tenda uri u dzula kha bannga zwo vha zwi tshi vhavha vhukuma.

“Ndi zwavhudi u vha mutambi wa Kaizer Chiefs, fhedzi zwi a konḓa u sa tamba ngauri hu na miṱaṱisano minzhi,” o ralo.

• VHALANI ZWINWE:  Nga ha mutambo wa Sundowns wa ngei Morocco 

Baartman o dovha a talutshedza uri zwi a konḓa hani u dzhena kha mitambo musi thimu i fhasi ha mutsiko.