Teboho Mokoena u khou todiwa nga dzi kilaba dza Saudi Arabia

Mutambi wa vhukati wa Bafana Bafana na Mamelodi Sundowns Teboho Mokoena u khou todiwa nga dzi kilaba dza Saudi Arabia.

Zwo bvelela uri kilabu mbili dza shango dzi na dzangalelo ḽa u mu renga phanḓa ha musi khalanwaha ntswa i tshi thoma.

Uya nga ha mivhigo i bvaho Saudi Arabia, kilabu dza Al Taawoun na Al-Ettifaq dzi na dzangalelo ḽa u wana mutambi wa vhukati wa Sundowns na Bafana Bafana.

A si lwa u thoma Mokoena a tshi khou ṱoḓiwa nga dzi kilabu dza dzitshaka sa zwe zwa itea kale.

O vhigwa lunzhi tshifhingani tsho fhiraho sa mutambi ane a khou todiwa nga dzi kilaba dzo fhambanaho, fhedzi Sundowns yo kona u mu vhulunga na u engedza thendelano yawe.

Musi mivhigo iyi i tshi dovha ya bvelela, zwi do vhonala uri Sundowns i do tenda u mu litsha nga hetshi tshifhinga.

Mokoena o vha mutambi wa ndeme kha Sundowns na Bafana Bafana nga nṱhani ha vhurangaphanḓa hawe, u vhala mitambo, vhukoni hawe ha u langa mutambo.

Arali a nga dzhena kha Al-Ettifaq, u ḓo ṱanganedzwa nga mutambi ngae wa Bafana Bafana, Mohau Nkota, we a dzhena kha tshigwada zwenezwino a tshi bva kha Orlando Pirates.

• VHALANI HAFHU : Noluthando o Kovhelana zwine a zwi funa nga ha The Polygamist

Vhege dzi daho dzi khou lavhelelwa u bvisela khagala vhumatshelo ha Teboho Mokoena musi dzi kilabu dza Saudi Arabia dzi tshi khou isa phanda na u sumbedza dzangalelo lihulwane khae.

Zwazwino ndi mutambi wa Sundowns, fhedzi zwi vhonala uri dzi kilaba nnzhi dzi do lingea u mu rengisa.