Selimathunzi i vhuya kha SABC1 na zwifhatuwo zwiswa
Mbekanyamushumo ya u ḓimvumvusa ya SABC1 ya tshifhinga tshilapfu Selimathunzi yo vhetshelwa ndima ntswa, na mutevhe wa vhahashi vho vusuludzwaho na khalanwaha ntswa yo dzudzanywaho u thoma nga nwedzi wa Tshimedzi 2026.
Uya nga ha SABC1, mbekanyamushumo yo vusuludzwaho, ine zwino ya vha na dzina ḽa Hotspot Selimathunzi, i ḓo thoma u sumbedzwa nga Ḽavhuṋa, ḽa 1 Tshimedzi 2026 nga awara ya 18:00 kha SABC1 na SABC Plus.
Khalanwaha ntswa i ḓivhadza Khanyisile ‘Khanyi Mars’ Masimola, Munaka Muthambi na Oratile ‘Roiii’ Kgobe sa thimu ntswa .
Vhuraru havho vha ḓisa tshenzhemo kha khasho, zwi re ngomu zwa didzhithala, muzika na vhuḓimvumvusi kha mbekanyamushumo yo ḓoweleaho.
Mutevhe wo vusuludzwaho u tevhela u ṱuwa ha zwifhaṱuwo zwo ḓoweleaho kha mbekanyamushumo.
Muhashi wa kale Vho Zanele Potelwa zwenezwino vho laela Selimathunzi nga murahu ha minwaha yo vhalaho kha mbekanyamushumo, vha tshi fhululedza vhahashi vhane vha khou dzhena musi vha tshi khou thoma lwendo lwavho.
Mbekanyamushumo iyi yo no vha tshithu tsho ḓoweleaho kha thelevishini ya Afrika Tshipembe lwa miṅwaha minzhi.
Fomathi yayo yo sedza kha u ḓimvumvusa na mvelele yo ḓoweleaho, hu tshi katelwa na inthavhiyu dza vhaḓivhalea, muzika, fesheni, zwiitea na mafhungo a nḓila ya vhutshilo.
SABC1 yo vhuya ya thoma hafhu mbekanyamushumo iyi sa Hotspot Selimathunzi, hune vhahashi vhayo vha vha vho Siphesihle Vazi, Sparks na Zanele Potelwa.
Khalanwaha ntswa ya HotSpot Seli i thoma nga dzi 1 Tshimedzi nga 18:00 kha SABC1 na SABC Plus.