“Ro vha ro no vha kunda muhumbuloni.”- parker
Mugudisi wa tshifhinganyana wa TS Galaxy Vho-Bernard Parker vha kha ḓi ḓiṱukufhadza naho vho ḓa na tshiṱirathedzhi tshe tsha ṱanganya tshigwada tshihulwane tsha PSL Mamelodi Sundowns.
Galaxy yo sia vhathu vhoṱhe vho mangala musi i tshi bvisa gundo ḽi mangadzaho ḽa 3-2 kha Sundowns kha Betway Premiership nga Ḽavhuvhili vhusiku.
Mvelelo yo ita uri Galaxy i vhe nnḓa ha khombo ya u tsela fhasi, nahone ya dovha ya fhungudza vhukuma tshikhala tsha Downs tsha u wina tshiphuga tsha ligi.
Nga mvelelo idzi, Orlando Pirates zwino i khou toda u wina luthihi fhedzi kha mitambo yayo mivhili yo salaho uri i kone u vha vhahali.
Musi vha tshi amba nga murahu ha mutambo, Vho-Bernard Parker vhari vhatambi vhavho vho hulisa tshiṱirathedzhi tshavho tsha mutambo.
Parker o ri: “Ro vha ro no vha kunda muhumbuloni.
Vho amba uri vho vha vhe na tshiṱirathedzhi tsha u shumisa Seluleko Mahlambi u bvisa luvhondo lwa Sundowns – zwe zwa shuma zwavhuḓi.
Bernard Parker o khoḓa vhatambi vhawe nge vha farelela kha pulane yavho kha mutambo woṱhe.
“Bola ya milenzhe a i na phindulo, fhedzi i na thandululo,” vho engedza nga u ralo.
“Pulane ya mutambo yo vha i ya u tamba nga hune ra nga kona ngaho ro sedza vhuimo ha vhatambi vha Sundowns.”
Zwino, mbambe ya tshiphuga yo shanduka tshoṱhe nahone i kho feiva Pirates nga murahu ha mvelelo iyi.
Bernard Parker na vhatukana vhawe vha nga vha vho shandula ḓivhazwakale ya bola ya milenzhe ya henefho vha songo zwi ḓivha.