Kaizer chiefs i nga fara orlando pirates kha vhuimo ha vhuvhili?

Arali Kaizer Chiefs ya nga wina mitambo yayo , i ḓo ḓiwana i murahu ha Orlando Pirates nga phoindi dza sumbe fhedzi.

Kaizer Chiefs i kha zwigwada zwiraru zwa nṱha nga murahu ha u tamba nga nḓila i khwaṱhisaho kha Betway Premiership.

Amakhosi yo kunda TS Galaxy nga 2-0 tshitediamu tsha FNB nga Swondaha nga masiari u itela u engedza vhuimo hayo kha AmaZulu ine ya vha kha vhuimo ha vhuṋa u swika kha phoindi tharu musi hu tshi kha ḓi vha na mitambo mivhili.

U kunda huṅwe hu si gathi hu ḓo ita uri Chiefs i wane vhuimo ha vhuraru na u dzhena kha khaphu ya Confederations ya CAF ya 2026/27.

Vhagudisi vha tshigwada vhane vha vha Khalil Ben Youssef na Cedric Kaze, vha khou ṱoḓa u fhedza kha vhararu vha nṱha nahone, musi ri tshi sedza nḓila ine vha khou tshimbila ngayo zwino, tshipikwa tshavho tshi nga swikelelwa nga murahu ha ṅwedzi uno.

 Tshipikwa tshi tevhelaho tsha Kaizer Chiefs
 Zwazwino thimu ya Mamelodi Sundowns na Orlando Pirates dzi khou lwela tshiphuga nahone ndi nthihi khadzo ine ya ḓo tshi wina.

Masandawana ndi vhone vhane vha funeswa zwino ngauri Buccaneers yo wisa phoindi nga Ḽavhuṱanu musi i tshi tamba na Richards Bay.

Arali Pirates ya wisa poindi nnzhi, i nga vha yo no bva tshoṱhe kha tshifanyiso tsha tshiphuga nahone Kaizer Chiefs ine ya khou bvelela i nga tovhola vhuimo ha CAF Champions League.

• VHALANI HAFHU: Edwin Gymah o amba nga ha thaidzo dzine a khou tangana nadzo

Amakhosi i murahu ha Sea Robbers nga point dza 13 fhedzi arali Glamour Boys ya kunda mitambo yayo , i nga fhungudza tshikhala tsha vha poindi dza sumbe fhedzi.