Sundowns i sendela kha fainala dza CAF Champions League
Mamelodi Sundowns yo dzhia liga la ndeme la u ya kha mutambo wa u fhedzisela wa CAF Champions League nga murahu ha u kunda kha semi-fainaḽa ngei Tunisia.
Fhedzi mugudisi Vho-Miguel Cardoso vha khou kombetshedza uri mushumo a u athu fhela sa izwi vha tshi kha di vha na minete dza 90 dza u tamba na vhahali vha Tunisia Esperance de Tunis mafheloni a vhege a daho.
Tshikoro tsha Bryan Leon kha hafu ya vhuvhili nga miniti ya vhu 51 tsho ita uri Mamelodi Sundowns i dzhene.
Zwino tshigwada tsha Tshwane tshi kha di vha na miniti ya 90 uri tshi swike kha final lwa nwaha wa vhuvhili nga u tevhekana.
Naho zwo ralo, Miguel Cardoso o ṱavhanya a ṋea tsivhudzo, a amba uri mushumo u kha ḓi vha kule na u fhela.
“Mutambo wo vha u zwe ra vha ro zwi lavhelela. Ro vha ri tshi khou toda u u langa na u sika zwikhala,” o ralo nga murahu ha mutambo.
Sundowns yo wana rhythm mathomoni a hafu ya u thoma, fhedzi mugudisi uri ho vha na fhethu he ya vha i sa khou tshimbila zwavhudi.
U shandukiswa ha vhuṱali nga tshifhinga tsha u awela zwo vha zwi zwa ndeme, sa izwi thimu yo vhuya yo khwaṱha nahone i tshi khou ita khwine i tshi ya phanḓa.
Miguel Cardoso o ṱalutshedza uri: “Ro lugisa zwithu zwi si gathi kha tshipiḓa tsha vhuvhili, nahone tshikoro tsho ri ṋea ṱhuṱhuwedzo khulwane.”
Mutambo wa vhuvhili u do vha hone tshitediamu tsha Loftus, nahone mugudisi wa Mamelodi Sundowns o no di sumbedza zwine zwa khou lavhelelwa.