Lutshetshe lwo wanala kha bini la mathukhwi ngei Louis Trichardt

 Mapholisa vha khou ita thodisiso nga murahu ha musi vhashumi vha masipala vho wana ṅwana wa miṅwedzi ya malo kha bini la mathukhwi ngei Louis Trichardt.

Mapholisa vha khou ita khumbelo ya mafhungo malugana na mme

Mapholisa vha Makhado vho vula mulandu wa u dzumba u bebwa nga murahu ha musi ho wanala ṅwana o bebwaho kha bini la mathukhwi tshiṱaraṱani tsha Krogh ngei Louis Trichardt CBD nga Ḽavhuvhili nga masiari.

Uya nga ha mapholisa a Vhembe, ṅwana o waniwa nga vhashumi vha masipala vhe vha vha vha tshi khou kunakisa vhupo honoho nga vho 15:20.

Nga murahu ho khwaṱhisedzwa uri ṅwana o vha e na miṅwedzi i ṱoḓaho u vha ya malo.

Muambeli wa mapholisa a Vhembe Vho-Captain Vho-Vuledzani Dathi vho humbela mirado ya tshitshavha yo tanganaho na nyimele dzi konḓaho kana u vhifha muvhilini ha vhuleme uri vha ṱoḓe thuso kha mihasho yo teaho ya muvhuso na tshumelo dza thikhedzo dzine dza nga ṋetshedza thuso na nyeletshedzo.

• VHALANI HAFHU: “Ro vha ro no vha kunda muhumbuloni;- parker

Mapholisa vhari mme a ṅwana a vha athu ḓivhea nahone ṱhoḓisiso dzi khou bvela phanḓa.

Vhathu vhane vha nga kona u thusa mapholisa kha u sedzulusa mme vha khou humbelwa uri vha kwame Sergeant Kwinda Shumani kha 071 355 0575 kana vha vhige mafhungo aya mapholisani a tsini.

Translated by Nthaduleni Rolivhuwa