Pirates yo dzhia tsheo kha Goodman Mosele

Orlando Pirates yo dovha ya dzhia tsheo ya u hadzima mutambi wa vhukati Goodman Mosele – tshifhinga hetshi kha Durban City.

Mutambi uyu wa minwaha ya 26 o vha a tshi kha di tou bva u fhedza u tamba kha Chippa United lwa tshifhinga tshilapfu, he a vha e munwe wa vhatambi vhane vho bvelela.

Mosele o tamba mitambo ya 30 kha mitatisano yothe kha khalanwaha yo fhelaho.

O tamba mitambo ya 28 kha ligi ya nṱhesa ya Betway, nthihi kha khaphu ya Nedbank na nthihi kha Carling Knockout.

Hotshi tsho vha tshi tshifhinga tsha vhuvhili tsha u hadzimiwa kha Chippa United, ngauri o dovha a tamba henefho kha khalanwaha ya 2023/24.

Kha minwaha yawe mbili kha Chippa, Mosele o tamba mitambo ya 55, a kora tshikoro tshithihi na u thusa luthihi.

Holu ndi lwa vhuraru Goodman Mosele a tshi hadzimiwa nga Orlando Pirates ubva tshe a dzhena khayo ubva kha Baroka FC nga 2021.

Kha Durban City, vha ḓo shuma fhasi ha mugudisi Khalil Ben Youssef, hune vha ḓo ṱangana na vhatambi vhaswa vha katelaho Seth Green, Bandile Shandu na Gaston Sirino.

• VHALANI HAFHU :Izingane Zesthembu i khou vhuya kha Season IV

Ngeno munwe mutambi wa Pirates, Tshepho Mashiloane o hadzimiwa kha Sekhukhune United kha khalanwaha idaho.