Vho Da Cruz vha na mulaedza wo khwathaho kha vhatikedzi vha Chiefs

Mugudisi muswa wa Kaizer Chiefs Vho-Fernando Da Cruz vho rumela mulaedza wo khwathaho kha vhatikedzi vha tshigwada phanda ha musi season ya 2026/27 i tshi khou thoma.

Mugudisi o bebwaho France o fulufhedzisa uri vha do ita zwothe zwine vha nga kona u vhuisa zwiphuga  Naturena.

Da Cruz o tholiwa zwenezwino sa mugudisi wa Chiefs nga contract ya minwaha mivhili.

O dzhia vhuimo ha Cedric Kaze na Khalil Ben Youssef, vhe vha ranga phanḓa thimu u bva nga ṅwedzi wa khubvumedzi ṅwaha wo fhiraho u swika mafheloni a khalanwaha yo fhiraho.

Naho vhagudisi avha vho kona u fhedza khalanwaha vha na Kaizer Chiefs kha vhuimo ha vhuraru, tshigwada tsho dzhia tsheo ya u vha tuwisa vha dzhielwa vhudzulo Fernando Da Cruz.

Musi vha sa athu tholiwa kha Naturena, vho shuma sa mulanguli wa vhugudisi kha Federesheni ya Bola ya Milenzhe ya Royal Morocco lwa miṅwaha mivhili yo fhiraho.

Mugudisi o vha a tshi khou amba ngei Spain hune Chiefs yo gammba hone musi i tshi khou lugisela khalanwaha ntswa.

Vho amba uri vho takala nga ndila ine zwithu zwa khou tshimbila ngayo gambani u swika zwino.

“Zwiimo ndi zwavhuḓi vhukuma fhano Spain. Hu khou fhisa vhukuma nahone ri na mitambo miraru i konḓaho ya vhukonani ine ya ḓo ri thusa u lugisela zwavhuḓi khalanwaha,” ho amba Da Cruz.

Chiefs yo thoma mitambo ya vhukonani nga u lingana nga 1-1 na Rangers ya Scotland, he Etiosa Ighodaro a kora kha Amakhosi.

• VHALANI HAFHU : Pirates yo dzhia tsheo kha Goodman Mosele

Vho-Fernando Da Cruz vhari tshipikwa tshihulwane tsha Kaizer Chiefs kha khalanwaha ntswa ndi u wina zwiphuga, fhedzi zwenezwo zwi ḓo ṱoḓa thikhedzo ya vhatikedzi.