Izingane Zesthembu i khou vhuya kha Season IV
Iṅwe ya mbekanyamushumo dza vhukuma dzine dza funeswa vhukuma, Izingane Zesthembu i khou vhuya kha khalanwaha yayo ya vhuṋa.
Mbekanyamushumo i isa vhaṱaleli kha matshilo a vhana vhahulwane vha Musa Mseleku, musi vha tshi diimisa.
Sne, Mpumelelo, Abongwe, Mpiloenhle na Lwandle Mseleku vha dovha vha isa vhaṱaleli vhutshiloni havho, sa vhana vho alutshelaho muṱani wa vhafumakadzi vhanzhi.
Vho ṱanganela na vhana vhavho vhaṱuku Mawande Mnini, Owami na ṅwana wa tanzhe wa Sne Thando.
Hu dovha hafhu ha vha na Tirelo Kale, we a fulufhedzisana na Mpumelelo kha khalanwaha yo fhiraho.
Vhothe vhavhili vha dovha vha vha na mutukana vhothe. Muṅwe muraḓo wa vhatambi ndi Amahle Mgazi, ane a dovha a vha mufarisi wa Mpumelelo.
O ita mushumo wawe wa u thoma kha mbekanyamushumo kha season III.
Sa dzi season dzothe dzo fhiraho, season III,yo kunga vhataleli vhanzhi.
Vharathu na vhakomana vho ṱangana nga ha u ṱaṱisana, vhaṱaleli vha kona u vhona zwinzhi nga ha Amahle, nahone Tirelo o fhedza o vhingwa.
A zwi athu vha khagala uri season ya vhuṋa i ḓo ḓisa mini, sa izwi ho itea zwinzhi. Ho vha na dzi graduation, vhana vhane vha kha di tou bva u bebwa na zwinwe.
- VHALANI HAFHU: Botlhale Boikanyo u kovhelana mafhungo awe mahulwane
Vhaṅwe vhaṱaleli vha na fulufhelo ḽa u vhona zwinzhi kha vhaṅwe vharathu na vhakomana, nga nnḓa ha Sne, Mpumelelo na vhasidzana vhawe.
Khamusi tshedza tshinzhi tshi ḓo bviswa nga ha Lwandle na mme a ṅwana, khathihi na vhutshilo ha Mpilo na Abongwe.