Mutambi wa Pirates upfa vhutungu nga u misa Penalty kha mutambo wa Mugivhela

Mutambi wa Orlando pirates Gamphani Lungu we a misa penalty ye ya vha i tshi ḓo vhuisa thimu kha final ya MTN8, o vhaisala vhukuma.

Thimu ya Buccaneers yo kundwa nga  thimu  Mamelodi Sundowns stadium tsha Moses Mabhida nga Mugivhela.

Teboho Mokoena ndi ene we a kora tshikoro tsha u thoma tsha Sundowns kha luṱa lwa u thoma.

Fhedzi Backs yo vha na tshikhala tsha u linganisa nga penalty kha hafu ya vhuvhili.

Gamphani Lungu o mbo ḓi ṋaṋa, fhedzi Ronwen Williams a thudzela bola yawe thungo.

Ho mbo ḓi ḓa Iqraam Rayners, we a vhulunga penalty nga tshifhinga tsho engedzwaho a fhedza mutambo nga 2-0.

Nga murahu ha mutambo, Gamphani Lungu o isa kha Instagram a amba nga ha vhutungu ha u xelelwa nga tshikhala tsha u dzhia MTN8.

“Mulovha ho vha hu si mvelelo ye ra i shumela,” Lungu o ṅwala nga Swondaha.

“Ro ita zwoṱhe zwine ra nga kona sa thimu, fhedzi ri a zwi ḓivha uri ro vha ri sa ḓo ita zwinzhi.

“Bola ya milenzhe i ḓa na u kunda na u kundwa, nahone hetshi ndi tshiṅwe tsha zwifhinga zwa u elekanya, u guda na u vhuya ro khwaṱha.”

Lungu o dovha a livhuwa vhathu vhothe vhe vha mu rumela milaedza ya thikhedzo nga murahu ha tshiwo itshi.

• VHALANI ZWINWE : U gonyela ha vhalwadze vha muhumbulo hu tsikeledza Zwibadela zwa Dzingu Afrika Tshipembe

Gamphani Lungu na vhatambi ngae vha do tea u tavhanya vha hangwa nga ha u xelelwa nga MTN8 sa izwi vha na mutambo wa ndeme nga Lavhuvhili.