Botlhale Boikanyo u kovhelana mafhungo awe mahulwane
Zwino hezwi ndi yone nḓila ine na dzumba ngayo tshiphiri! Botlhale Boikanyo u kha ḓi tou bva u dzumbululela muṱa wawe wa kha inthanethe,uri nga murahu ha maḓuvha a si gathi fhedzi, u ḓo ṱhaphudza nga Honours kha Film & Thelevishini.
Botlhale ndi munwe wa vhatambi vhapo, ane a dzulela u ḓivhadza vhafuni vhawe nga ha zwine zwa khou itea vhutshiloni hawe.
Mutambi wa reality show o winaho pfufho,murendi na mutambi wa matambwa u dzulela u kovhelana mafhungo a dzi gig dzawe, nyendo dzawe,na zwinwe zwithu zwine zwa khou itea vhutshiloni hawe.
Naho zwo ralo, nga hetshi tshifhinga, Botlhale o dzhia tsheo ya u dzumba heyi khae.
“Besties, ndo vha ndi tshi khou vhulunga tshiphiri.
“Kha nwaha wo fhelaho, musi ni tshi khou nndavhelesa ndi tshi khou tshimbila, u sika na u kovhelana vhutshilo kha inthanethe, musidzana wanu o vha a tshi dovha a guda Honors kha Film & Television .
“Na zwino ho to sala maḓuvha mararu fhedzi uri ri ṱhaphudze!
Ni ṱanganedzwa kha B’s Road Ya U Ṱhaphudza. Ndi ngasi kone u lindela u kovhelana tshifhinga hetshi na vhoinwi nothe,” Botlhale o ralo o takala.