Sundowns yo fhirisela phanda lwendo lwayo lwa u ya Austria

Mamelodi Sundowns yo divhadza uri yo fhirisela phanda lwendo lwayo lwa u ya Austria he ya vha i tshi khou tea u khempha hone musi khalanwaha ntswa i sa athu thoma.

Hezwi zwi tevhela lufu lu vhavhaho lwa mutambi wavho wa vhukati Jayden Adams.

Nga Mugivhela, vhatikedzi vha bola ya milenzhe Afrika Tshipembe vho vuwa nga mafhungo a ṱungufhadzaho a u fhira shangoni ha Adams, mutambi wa kale wa Sundowns na Bafana Bafana.

Mutambi uyu o lovha nga murahunyana ha musi o no vhuya kha World Cup ya 2026, he a vha o imela Afrika Tshipembe na tshigwada tsha Bafana Bafana.

Vhatambi vho vha vho lavhelelwa u ṱuwa vha tshi ya Austria nga Swondaha, fhedzi thimu yo khwaṱhisedza uri lwendo lwo fhiriselwa phanḓa.

“Nga ṅwambo wa nyimele ya zwino, thimu a yo ngo ya Austria,” ho amba Sundowns kha tshitatamennde.

Mamelodi Sundowns yo dovha ya bvisela khagala uri hezwi a zwi ambi uri camp ya pre-season i khou fheliswa.

“Ndugiselo dza pre-season a dzi athu khanselwa nga hetshi tshifhinga, fhedzi ḓuvha ḽa u ṱuwa ḽo fhiriselwa phanḓa.”

• VHALANI HAFHU :Vho-Molefi Monaisa kha dirama ntswa ya  Netflix Umtheto

Sundowns i khou lavhelelwa u bvisa inwe mvelaphanda hu si kale malugana na duvha liswa la u bva sa izwi season ntswa ya Betway Premiership i tshi do thoma nwedzi u daho.