Musa Khawula o vala mavharivhari a uri o lovha

Muṅwali wa dziblogo wa bvumo wa Afrika Tshipembe Musa Khawula o vhea rekhodo nga murahu ha musi ho phaḓalala kha inthanethe uri o lovha.

Mafhungo aya o thoma u phaḓalala nga matsheloni a Mugivhela musi mushumisi wa X a tshi dovha a kovha vidio yo rumelwaho nga muṅwe content creator Slik Talk,

We a amba uri o wana mafhungo a fulufhedzeaho a uri Khawula o lovha dzhele nga murahu ha nndwa na muṅwe mufariwa.

“RIP Musa Khawula, ndo wana mafhungo aya kha tshisima tshi fulufhedzeaho vhukuma, tshisima tshi fulufhedzeaho vhukuma kuma…

“Musa Khawula ha tsha vha hone. Zwi vhonala uri, ho vha na khanedzano dzhele nahone nga murahu muṅwe muthu a dzhia tsheo ya u fhedzisa mutukana wanga. RIP Musa Khawula,” Slik Talk yo amba kha video.

Nga murahu ha awara, Khawula ene muṋe o fhindula mafhungo nga tshitaila.

• VHALANI HAFHU: Makhadzi na Blissbouy vha vusa mavharivhari a u funana

Kha rekhodo ya ipfi yo poselwaho kha X, o sea zwine zwa khou ambiwa, a ri, “Ndi ngani inwi vhanna ni nga u rali?

Ndi ngani ni tshi khou mbulaya? A si lwa u thoma zwi tshi itea. Fhedzi ndo sokou ḓa u ri, ‘hai,’ a thi athu fa, ndi fhano. Ndi khou ḓiphina na u nwa halwa ha tshipi. Nga awara ya vhurathi nga matsheloni.”

O engedza nga u swaswa a ri, “Samusi ndo fa, rumelani donetion ya mbulungo.”